Aýa raıy
Astana -22 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanǵa Armenııadan jetkizilgen 16,7 myń kólik tirkeýge qoıyldy

2020 jyldyń 3 jeltoqsan 2020 09:55

NUR-SULTAN. QazAqparat - 2020 jyldyń 11 aıynda Qazaqstanda jańadan tirkelgen kólikterdiń sany 37,6 paıyzǵa artty. Mundaı málimetti «QazAvtoÓnerkásip» Qazaqstannyń avtomobıl salasy kásiporyndarynyń odaǵy usynyp otyr, dep habarlaıdy QazAqparat tilshisi.


Odaq málimetinshe, esepti kezeń ishinde ákimshilik polıtsııa organdary 1 224 753 avtokólik quralyn tirkeýge qoıdy. Bul ótken jyldyń 11 aıyndaǵy kórsetkishten 10,1 paıyzǵa az. 1 096 350 tehnıkanyń ıesi aýysýyna baılanysty qaıta tirkeýge alynyp otyr. Bul, bir jyl burynǵy kórsetkishten 13,7 paıyzǵa (1 269 677) kem. Al alǵash ret tirkelgen kólikterdiń sany 128 403 tehnıkany qurap, 2019 jylmen salystyrǵanda 37,6 paıyzǵa kóp boldy. Onyń ishinde bıyl alǵash ret tirkeýge alynǵan Armenııadan jetkizilgen 16 747 jeńil kólik bar.

2020 jyldyń qarasha aıynyń qorytyndysynda tirkeýge qoıylǵan avtokólikterdiń sany 140 120 tehnıka boldy. Bul da ótken jylǵy nátıjeden 7,7 paıyzǵa artyq. Onyń ishinde qaıtalama naryqta 125 844 kólik satyldy. Osy jyldyń qazanymen salystyrǵanda qarashada tirkelgen kólikter sany 9,3 paıyzǵa kemidi.

2020 jyldyń 11 aıynda Qazaqstan aýmaǵynda elektr energııasymen júretin 54 jeńil kólik alǵash ret tirkelip otyr. Ótken jyly mundaı 29 avtomobıl tirkelgen bolatyn.

Osy jyldyń 11 aıynda qaıtadan tirkeýge alynǵan kólik quraldarynyń úshten ekisi osydan keminde 10 jyl buryn quralǵan tehnıkany quraıdy. Onyń ishinde shyǵarylǵanyna 20 jyldan asyp ketken 452 036, 11-20 jyl bolǵan 283 575, 4-7 jyl bolǵan 188 961, 8-10 jyl bolǵan 108 584, 1-3 jyl bolǵan 53 487, 1jyl da bolmaǵan 9 707 kólik bar.

Bıylǵy 11 aıda qaıta esepke alynǵan eń kóp avto Almaty oblysynda (167 872), Almaty qalasynda (143 801) jáne Túrkistan oblysynda (100 130) tirkelgen. Buǵan qosa, Almaty oblysy turǵyndary qaıta tirkegen 94 376 kólik quralynyń shyǵarylǵanyna 20 jyldan asyp ketken. Osy krıterıı boıynsha ekinshi satyda turǵan Túrkistan oblysynda mundaı 45 696, al Jambyl oblysynda 42 187 kólik tirkeýge alynǵan. Al shyǵarylǵanynda 1-3 jyl aralyǵyndaǵy kólikterdiń qaıta tirkeýge alynýy Almaty qalasynda (10 940), Nur-Sultanda (8 423) jáne Shymkentte (5 351) joǵary bolyp tur.


Avtor Marlan Jıembaı
Basty sózder: Qoǵam,
Joǵary qaraı