Aýa raıy
Astana -17 °S
Almaty -14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtardyń bıýdjetti josparlaýǵa qatysýy tómen - Rýslan Eńsebaev

2020 jyldyń 23 qarasha 2020 17:03

NUR-SULTAN. QazAqparat - Qazaqstan qoǵamynyń bıýdjetti josparlaýǵa qatysýy tómen. Bul týraly QR qarjy vıtse-mınıstri Rýslan Eńsebaev aıtty, dep habarlaıdy QazAqparat tilshisi.

«Biz bıýdjet ashyqtyǵyna qatysty halyqaralyq ındeks boıynsha jumysymyzdy úsh baǵytta júrgizemiz. Birinshisi - bul bıýdjet ashyqtyǵy. Túrli alańdarǵa bıýdjettiń oryndalýy, bıýdjetti josparlaý týraly eseptik aqparattardy ornalastyryp otyramyz»,- dedi ol IX Azamattyq forým barysynda.

Osy rette vıtse-mınıstr qoǵamnyń bıýdjetti josparlaýǵa qatysýyna qatysty jeke baǵyttyń bar ekendigin atap ótti.

«Óıtkeni, bir jaǵynan adamdarǵa esep-qısapty kórý, ekinshi jaǵynan bıýdjetti josparlaýǵa qatysý jáne ózderiniń qandaı da bir usynystaryn berý úshin usyný qajet. Ókinishke oraı, bizde qoǵamnyń qatysýy boıynsha ball óte tómen. 100 balldyń 17-i bally ǵana. Degenmen, bul ortasha álemdik deńgeıden birshama joǵary. Qazirgi ýaqytta álemdik deńgeı 14 balldy qurap otyr. Sebebi, búkil álemde bul máselege endi ǵana basa nazar aýdaryp jatyr», - dedi Rýslan Eńsebaev.


Joǵary qaraı