Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyqtardyń 66,4 paıyzy referendýmǵa qatysady – saýalnama

2022 jyldyń 17 mamyr 2022 15:48

NUR-SULTAN. QazAqparat – Halyq arasynda júrgizilgen áleýmettik saýalnamaǵa sensek, otandastarymyzdyń 76,4 paıyzy Memleket basshysynyń referendým ótkizý týraly ıdeıasyn qoldaıdy. Bul týraly QR Prezıdenti janyndaǵy Qazaqstan strategııalyq zertteýler ınstıtýtynyń dırektory Erkin Tuqymov málim etti, dep habarlaıdy QazAqparat tilshisi.

«Araǵa 22 jyl salyp jalpyhalyqtyq referendým ótkeli otyr. El úshin mańyzdy degen jaıttar boıynsha Konstıtýtsııaǵa ózgerister engizý úshin daýys berýimiz kerek. Jańa Qazaqstandy qurý jolynda atalǵan sharanyń mańyzy zor. Osy oraıda bizdi qoǵamnyń refrendým ótkizýge qatysty ne oılaıtyny qyzyqtyrady. Qazaqstandyqtar Konstıtýtsııaǵa engizilgeli otyrǵan ózgeristerdi qoldaı ma? Qoldasa qandaı deńgeıde degen sekildi. Osy oraıda Memleket basshysy referendým ótedi dep jarııalaǵan kúnnen bastap bizdiń ınstıtýt jumysqa kirisip ketti», - dedi Erkin Tuqymov ortalyq kommýnıkatsııalar qyzmeti alańynda sarapshylardyń qatysýymen ótken dóńgelek ústelde.

Instıtýt basshysynyń aıtýynsha, 9-12 mamyr aralyǵynda halyq arasynda telefon arqyly saýalnama júrgizilgen.

«Áleýmettik saýalnamaǵa barlyq óńirden 1200 respondent qatysty. Onyń nátıjesinde qazaqstandyqtardyń 66,4 paıyzy referendýmǵa qatysady. Osy tusta aıta ketsek, zańǵa sáıkes halyqtyń 50 paıyzdan astamy qatysqan jaǵdaıda referendým ótken bolyp esepteledi. Jalpy atalǵan saýalnamanyń nátıjesine sáıkes, qazaqstandyqtardyń 70 paıyzy referendým ótetininen habardar. Sondaı-aq, bizdiń ınstıtýt júrgizgen zertteýdiń nátıjesi boıynsha Prezıdenttiń referendým ótkizý týraly bastamasyn otandastarymyzdyń 76,4 paıyzy qoldap otyr. ıAǵnı, qazaqstandyqtardyń deni referendým ótkizip, Konstıtýtsııaǵa tıisti ózgeristerdi engizýdiń mańyzdy ekenin túsinedi», - deıdi ol.

Spıker usynǵan statıstıkaǵa sáıkes, referendým ótkizý ıdeıasyn qazaqstandyqtardyń 15,4 paıyzy qoldamaıdy.

Sonymen qatar saýalnamaǵa qatysqan azamattardyń 8 paıyzy ázirge naqty sheshim qabyldamaǵan.


Joǵary qaraı