Aýa raıy
Astana 17 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstandyqtar qymbat múlik alýǵa ýáde beretin qarjy pıramıdasyna 3,9 mlrd teńge salǵan

2020 jyldyń 16 maýsym 2020 10:41

NUR-SULTAN. QazAqparat - Elimizdiń 14 aımaǵy men 17 qalasynda 22 ókildigi bar qarjy pıramıdasy qyzmeti tekserilýde. Bul týraly QazAqparat Qarjy monıtorıngi komıtetiniń baspasóz qyzmetine silteme jasap habarlaıdy.

Qarjy pıramıdasynyń qyzmetin QR QM Qarjy monıtorıngi komıtetiniń Pavlodar oblysy boıynsha Ekonomıkalyq tergeý departamenti qyzmetkerleri tekserýde.

Qymbat baǵaly qandaı da bir múlikti satyp alý úshin azamattarǵa 180 myń teńge kóleminde kirý jarnasyn tóleý, sodan keıin aı saıyn 50 myń teńgeden 10 aı boıyna tólem jasaý usynylǵan. Salynǵan 180 myń teńgeniń 100 myń teńgesi tutyný kooperatıvi shotynda qalyp, 80 myń teńge arnaıy qurylǵan JShS shotyna aýdarylyp otyrǵan.

Osylaısha JShS qyzmetinde mindetti kirý jarnasy, árbir jańadan tartylǵan qatysýshy úshin bonýstardyń tólenýi, BAQ-ta jappaı jarnama jasaý, ınternet keńistikte bir alýshyǵa kóptegen jiberýshilerden jasalǵan aqsha aýdarymy sııaqty qarjy pıramıdasynyń barlyq belgileri kórinis tapqan.

Búgingi tańda qarjy pıramıdasyna salymshylardan jalpy somasy 3,9 mlrd teńge aqshalaı qarajat tartylǵan.

Sotqa deıingi tergeý amaldary júrgizilýde.

Atalǵan áreket boıynsha QR QK 217-babyna (qarjylyq (ınvestıtsııalyq) pıramıdany qurý jáne oǵan basshylyq etý) sáıkes múlikti tárkileýmen 5 jyldan 10 jylǵa deıin bas bostandyǵynan aıyrý túrinde qylmystyq jaýapkershilik qarastyrylǵan.


Joǵary qaraı