Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyqtar karantın talabyn saqtamaǵany úshin 2 mlrd teńge aıyppul tólegen

2021 jyldyń 27 qyrkúıek 2021 19:28

NUR-SULTAN. QazAqparat - Qazaqstanda karantın sharalaryn saqtamaǵany úshin ákimshilik jáne qarjylyq jaýapkershilik júkteledi. Bul jaıynda sanıtarııalyq-epıdemıologııalyq baqylaý komıteti málim etti, dep habarlaıdy QazAqparat.

Jyl basynan beri sanıtarııalyq-epıdemıologııalyq baqylaý departamentteriniń, ákimdikterdiń, qoǵam belsendileri menpolıtsııa qyzmetteriniń ókilderi memlekettik organdar aıqyndaǵan sanıtarııalyq-karantındik is-sharalardy saqtaý turǵysynan ShOB obektilerine monıtorıng júrgizý boıynsha turaqty jumys júrgizýde.

Monıtorıng negizinen qoǵamdyq tamaqtaný, saýda nysandary, sonymen qatar adamdardyń kóp shoǵyrlanýymen buqaralyq is-sharalar ótkiziletin oryndardy qamtıdy.

1 qańtar men 25 qyrkúıek aralyǵynda elimizdiń barlyq óńirinde 180 998 reıd júrgizildi, 975 124 obekt qamtyldy.

Onyń ishinde karantın talaptaryn buzýshylyq 26 667 (2,7%) nysanda anyqtaldy.

Sonyń ishinde basym bóligi ShQO-da (5 344), Túrkistan (4 399), Qaraǵandy (1 660) oblystarynda, Almaty (3 906), Shymkent (2 452), Nur-Sultan (1 580) qalalarynda anyqtaldy.

Negizgi zańbuzýshylyqtar: karantın kezeńinde qyzmetine tyıym salynǵan obektilerdiń jumys isteýi, qonaqqa barý kezinde shekteý rejıminiń saqtalmaýy, karantın talaptaryna jaýap bermeıtin buqaralyq is-sharalar ótkizý.

4 067 jospardan tys tekserý nátıjesi boıynsha 3 742 uıǵarym berildi, 392 materıal sotqa joldandy, 113 nysannyń qyzmeti toqtatyldy.

Ákimshilik sanktsııalar 15 086 nysanǵa jáne 9 833 jeke tulǵaǵa salyndy, jalpy somasy 2 mlrd teńgeden astam aıyppul óndirildi.


Joǵary qaraı