Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq JOO-lar oqý baǵdarlamalaryn ózderi ózgertedi - mınıstr

2022 jyldyń 14 mamyr 2022 02:48

ALMATY. QazAqparat - Qazaqstandyq JOO-lar jumys berýshilerdiń usynystaryn eskerip, oqý baǵdarlamalaryn eńbek naryǵynyń suranysyna saı ózderi ózgertedi. Muny Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat.

«Álemdik QS reıtıngindegi qazaqstandyq joǵary oqý oryndarynyń sany eki esege artyp, 14-ke jetti. Sondaı-aq ýnıversıtetter sany artyp, Times Higher Education (THE) reıtıngine engen ýnıversıtetterdiń oryndary jaqsardy», - dedi vedomstvo basshysy Ortalyq Azııa elderi rektorlarynyń forýmynda.

Onyń paıymynsha, bul – Bolon protsesi qaǵıdattaryn júzege asyrýdyń, sondaı-aq ýnıversıtetterge akademııalyq, basqarýshylyq jáne qarjylyq derbestik berýdiń nátıjesi. Eger buryn úlgilik oqý josparlary men oqý baǵdarlamalaryn Bilim mınıstrligi bekitetin bolsa, qazir JOO jumys berýshilerdiń pikirleri men usynystaryn eskerip, eńbek naryǵynyń suranysyna saı oqý baǵdarlamalaryn ózderi ózgertedi.

«Bul jumys berýshilermen qarym-qatynasymyzdy nyǵaıtty, endi jumys berýshiler ózderiniń suranystary men usynystaryn kásibı standarttar arqyly qalyptastyrady», - dedi mınıstr.



Basty sózder: JOO-lar, Ashat Aımaǵambetov, Bilim,
Joǵary qaraı