Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq JOO dıplomdary Eýropa elderinde de jaramdy bolady - QR BǴM

2020 jyldyń 17 qyrkúıek 2020 14:43

NUR-SULTAN. QazAqparat - 2021 jyldan bastap elimizdegi joǵary oqý oryndarynyń túlekterine jańartylǵan qosymshalary bar dıplom beriledi. Ol qosymshada elimizde alǵan joǵary bilim biliktiliginiń eýropalyq biliktilik sanatymen sáıkes ekeni mindetti túrde kórsetiletin bolady.

Qazaqstan Respýblıkasynyń Joǵary bilim berý ulttyq biliktilik sheńberiniń ózdiginen sertıfıkattaý boıynsha esebin Bolon protsesiniń hatshylyǵy qabyldady, dep habarlaıdy QazAqparat QR Bilim jáne ǵylym mınıstrliginiń baspasóz qyzmetine silteme jasap.

Endi elimizdegi joǵary oqý oryndarynyń dıplomdary Eýropa elderinde jaramdy bolady. Bul sheteldik azamattar tarapynan qazaqstandyq joǵary bilimge degen qyzyǵýshylyqty arttyrady.

Qazaqstandyq joǵary oqý oryndary túlekteriniń biliktiligi eýropalyq biliktilik sanatymen sáıkes keledi. Bolon protsesi hatshylyǵy qabyldaǵan ózin-ózi sertıfıkattaý boıynsha esepti daıyndaý úshin Bilim jáne ǵylym mınıstriniń buıryǵymen vedomstvoaralyq jumys toby qurylǵan bolatyn. Onyń quramyna QR BǴM, QR Eńbek jáne halyqty áleýmettik qorǵaý mınıstrligi, «Atameken» QR Ulttyq Kásipkerler palatasy, salalyq qaýymdastyqtar jáne qazaqstandyq joǵary oqý oryndarynyń ókilderi kirdi.

Ózin-ózi sertıfıkattaý boıynsha esep Joǵary bilim berý úshin ulttyq biliktilik sheńberiniń Eýropalyq joǵary bilim berý keńistigimen (QR EJBK) úılesimdiligi men salystyrmalylyǵyn kórsetti. Bul Qazaqstannyń joǵary jáne joǵary oqý ornynan keıingi bilim berý jónindegi ulttyq júıeniń eýropalyq joǵary bilim berý keńistiginiń bilim berý júıelerimen sátti úılesimdiliginiń aıqyn dáleli bolyp tabylady.

«Bolon protsesi eńbek naryǵynda azamattardyń utqyrlyǵyn damytý, eýropalyq joǵary bilimniń básekege qabilettiligin arttyrý, joǵary bilimniń ulttyq júıelerin úılestirý úshin 1999 jyly 29 eldiń Bilim mınıstrleriniń bastamashylyǵymen qurylǵanyn esterińizge salamyz»,-delingen habarlamada.


Joǵary qaraı