Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq jaýyngerdiń súıegi Otanǵa Moldovadan jetkizildi

2021 jyldyń 8 mamyr 2021 13:31

NUR-SULTAn. QazAqparat - Qazaqstan Syrtqy ister mınıstrligi Moldova aýmaǵyndaǵy Kokocheny hýtory (qazirgi Voıneský) úshin fashıstik basqynshylarmen bolǵan qııan-keski shaıqastarda 1944 jyly qaza tapqan qazaqstandyq jaýynger Ivan Cherednıktiń súıegi men jaýyngerlik nagradalaryn Soltústik Qazaqstan oblysynyń ákimdigi men Qorǵanys isteri jónindegi departamentiniń ókilderine resmı túrde tabys etti.

Bul týraly QR SІM baspasóz qyzmeti habarlady.

Osy jyldyń aqpan aıynda Hynchesht aýdanynyń Voıneský aýylynyń mańynda moldovalyq izdeýshiler keńes sarbazdarynyń baýyrlas áskerı zıratyn taýyp, olardyń arasynda jerlesimiz, pýlemetshiler tobynyń komandıri, gvardııa kishi serjanty Ivan Cherednıktiń jeke basy anyqtaldy.

Moldova Respýblıkasynyń Qorǵanys mınıstrligi men «Pobeda» ulttyq úılestirý komıteti Kıshınev qalasyndaǵy «Máńgilik» memorıaldyq keshenindegi «Belgisiz soldattyń» qabirinde qurmet qaraýyly rotasynyń qatysýymen oǵan tıisti áskerı qurmet kórsetý boıynsha resmı rásim ótkizdi.

Jeńis kúnin merekeleý qarsańynda Qazaqstannyń Moldovadaǵy Elshiligi pavlodarlyq «Maıdan joly» izdestirý-zertteý jasaǵymen birlese otyryp, jaýyngerdiń súıekterin týǵan qazaqstandyq jerge jetkizýdi uıymdastyrdy.

















Avtor Zarına Qaharman
Basty sózder: Qazaqstan tarıhy, Qoǵam, QR SІM,
Joǵary qaraı