Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq jas tennısshi elordada halyqaralyq týrnırdiń shırek fınalyna shyqty

2021 jyldyń 28 qazan 2021 17:04

NUR-SULTAN. QazAqparat – Qazaqstandyq, 21 jastaǵy Beıbit Jýkaev «Dáýlet» tennıs ortalyǵynda ITF World Tennis Tour M 25 serııasy boıynsha ótip jatqan jarystyń shırek fınalyna shyqty, dep habarlaıdy QazAqparat tilshisi.

Qazaqstan tennıs federatsııasy málim etkenindeı, B.Jýkaev ekinshi aınalymda otandasy Grıgorıı Lomakınmen baq synasty.

Aqtaý tennıs mektebiniń túlegi 1 saǵat 8 mınýtqa sozylǵan matchta 6:2, 6:3 esebimen jeńiske jetti. B.Jýkaev báseke barysynda 10 eıs jasap, 9 breık-poınttyń úsheýin paıdalandy.

Beıbit jartylaı fınalǵa shyǵý úshin kanadalyq Fılıpp Pelıvomen talasady. Bir apta buryn qazaqstandyq tennısshi alǵashqy aınalymda osy sportshyǵa tartysty matchta 1:6, 6:2, 6:7 (3:7) esebimen ese jibergen bolatyn. Degenmen B.Jýkaev sol týrnırde reseılik Andreı Kýznetsovpen birge juptyq synda jeńimpaz atanǵan edi.

Taǵy bir qazaqstandyq Denıs Evseev elorda dodasynyń ekinshi aınalymynda polıak Mıhal Dembekten 4:6, 4:6 esebimen utylyp qaldy.

Eske sala keteıik, budan buryn Aleksandr Býblıktiń Sankt-Peterbýrgte jeńilip qalǵanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı