Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq týrıster Qyrǵyzstan shekarasyn zańsyz kesip ótken

2022 jyldyń 28 mamyr 2022 14:53

ALMATY. QazAqparat - Qazaqstandyq týrıstter taýǵa joryq kezinde Qyrǵyzstan shekarasynan zańsyz ótken. Bul týraly QR Ulttyq qaýipsizdik komıteti Shekara qyzmeti Almaty oblysy departamentiniń Qarasaı aýdany boıynsha shekara basqarmasynan málim etti, dep habarlaıdy QazAqparat tilshisi.

Týrıster myna marshrýt boıynsha júrgen: Dýlatı dańǵyly – «Іle-Alataý» MUTP ekoposty - Úlken Almaty kóli - Kosmostantsııa - Týrıst shyńynyń soltústik-batys betkeıi - Prohodnoe shatqaly - Alagır ózeniniń oń salasy - Prohodnaıa ózeni - Prohodnaıa asýynyń keń ańǵary.

Shekara basqarmasynyń ókilderi atalǵan marshrýtta shekaradan ótý orny kórsetilgen aqparattyq tablolar, «shekaralyq aımaq» degen jazýy bar kórsetkish baǵanalar bar ekenin, budan basqa QR Memlekettik shekarasy shekaralyq belgimen belgilengenin eske saldy.

Osyǵan uqsas zańbuzýshylyq deregi 2021 jyly da tirkelgen.

«Byltyr 6 adamǵa qatysty QR memlekettik shekarasyn buzǵany úshin QK-niń 392-baby 1-bóligine sáıkes qylmystyq is qozǵaldy», - delingen habarlamada.

Joǵary qaraı