Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq tóreshi Tokıo olımpıadasynda qazylyq jasaıtyn úmitkerler qataryna endi

2020 jyldyń 30 qazan 2020 11:08

NUR-SULTAN. QazAqparat - Búkilálemdik karate federatsııasy (WKF) Tokıo Olımpıadasynda qazylyq jasaıtyn úmitkerlerdiń tizimin jasady. Resmı túrde usynylǵan 14 tóreshiniń qatarynda Qazaqstan karate federatsııasynyń ókili Asqar Moldaǵalı da bar dep habarlaıdy QazAqparat Olympic.kz saıtyna silteme jasap.

Asqar Moldaǵalı kata men kýmıteden tolyq lıtsenzııaǵa ıe halyqaralyq dárejedegi tóreshi. Ol óziniń jastyǵyna qaramastan, tájirıbesi men kásibı sheberliginiń arqasynda álemdik federatsııanyń senimine kirgen.

«Árıne, bul maǵan ǵana emes, ulttyq federatsııa men jalpy Qazaqstan sporty úshin jaǵymdy jańalyq. Olımpıada qarsańyndaǵy eki jyl tóreshiler úshin óte qıyn ótti. UOK, Konfederatsııa men Mádenıet jáne sport mınıstrligi, sondaı-aq, ulttyq karate federatsııasynyń qoldaýymen men múmkin bolǵan 25 lıtsenzııalyq týrnırdiń bárine qatystym. Olımpıadalyq tsıkl aıaqtalǵansha atqaratyn jumys kóp. Degenmen, men úmitti aqtaýǵa tyrysamyn», - deıdi Asqar.

TMD elderiniń arasynan tek eki tóreshi ǵana tizimge ilingen. Olardyń biri Asqar Moldaǵalı, ekinshisi Ázerbaıjan ókili. «Qazaqstandyq tóreshiniń Olımpıada oıyndarynda qyzmet etetin qazylar qataryna engeni otandyq Federatsııanyń aýyzbirshiligi men eńbeginiń kórinisi. Bizdiń tóreshiler álemniń úzdikterimen bir deńgeıde jumys isteı alatynyn dáleldedi. Olımpıada qarsańynda qazaqstandyq komandanyń barlyq múshesi bir jaǵadan bas, bir jeńnen qol shyǵaryp, bir maqsat-múdde jolynda eńbek etti. Sondyqtan, álemdik uıymnan kelgen bul jańalyq bárimizdi qýantyp tastady», - deıdi komanda bas bapkeri Jastalap Sanaýov.
Basty sózder: Sport,
Joǵary qaraı