Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq tennısshiler Túrkııa men Norvegııada ótken týrnırde jeńimpaz atandy

2021 jyldyń 5 jeltoqsan 2021 21:27

NUR-SULTAN. QazAqparat – Qazaqstandyq tennısshiler Túrkııa men Norvegııada ótken týrnırde jeńimpaz atandy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, Grıgorıı Lomakın juptyq synda ýkraınalyq Oleg Prıhodkomen birge Túrkııada ótken jarysta (júlde qory – 15 AQSh dollary) úzdik shyqty.

Qazaqstandyq-ýkraınalyq jup fınalda japonııalyqtar Kaıto Ýesıgı men Tosıhıde Matsýıdy 7:5, 3:6, 10:5 esebimen tize búktirdi.

Osylaısha G.Lomakın ITF serııasynda juptyq synda sporttyq jolyndaǵy 14-inshi, bıylǵy maýsymdaǵy jetinshi tıtýlyna qol jetkizdi.

Áıelder arasynda Mysyrdaǵy osyndaı synda qazaqstandyq Ekaterına Dmıtrıchenko mysyrlyq Sandra Samırmen birge reseılik Anastasııa Zolotareva – Belarýs ókili Alına Faleıge ese jiberdi – 4:6, 2:6.

Norvegııada 14 jasqa deıingiler arasynda úshinshi sanattaǵy Tennis Europe jarysynda Zańǵar Nurlanuly jekeleı synda chempıon atandy.

Z.Nurlanuly fınalda frantsııalyq Lene Kýtıýreni 6:3, 6:4 esebimen utty.

Bıyl Zańǵar tórt ret fınalǵa deıin jetip, sonyń ekeýinde qarsylasyn jeńdi. Óziniń aıtýynsha, ol Norvegııada kelesi jyly da óner kórsetpekshi.

Qazaqstandyqtar Úndistanda 18 jasqa deıingiler arasynda ótken úshinshi sanattaǵy ITF dodasynda fınalǵa deıin jetti. Arýjan Saǵyndyqova japonııalyq Honýký Ýmedamen birge sheshýshi básekede qytaılyq taıbeılik ıÝ-ıÝ-Lı – japonııalyq Sara Saıtodan jeńilip qaldy – 4:6, 1:6.

Jekeleı synda jartylaı fınalda Arýjan úndistandyq Vaıshnavı Adkar, taǵy bir qazaqstandyq Janel Rústemova japonııalyq S.Saıtodan aılasyn asyra almady.

Bozbalalar arasynda Maksım Batıýtenko men Artýr Haıretdınov fınalda tartysty matchta úndistandyqtar Mýnı Manı – Rýshıl Hoslýdan utyldy – 6:4, 2:6, 6:10. Sondaı-aq Maksım jekeleı synda jartylaı fınalda taılyq Tanapat Nırondonýdan asa almady.

Eske sala keteıik, budan buryn 14 jasar Zara Dárkenniń Eýropada úzdik sheteldik oıynshy atanǵanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı