Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq tennısshiler Mysyr men Týnıste ótken týrnırlerde jeńimpaz atandy

2021 jyldyń 9 mamyr 2021 00:05

NUR-SULTAN. QazAqparat – Qazaqstandyqtar Gózal Aınıtdınova men Jibek Qulambaeva juptyq synda Mysyr men Týnıste ITF týrnırlerinde jeńimpaz atandy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, G.Aınıtdınova belarýstyq Anna Kýbarevamen birge Týnıstegi jarysta úzdik shyqty.

Qazaqstandyq-belarýstyq jup jartylaı fınalda reseılik Darıa Lodıkova – belgııalyq Elıssa Van Langendonkty 6:4, 6:4 esebimen tize búktirdi. Al fınalda osy dodanyń 1-raketkalary, ulybrıtanııalyq Sara Bet Greı – amerıkalyq Dasha Ivanovany 7:5, 6:2 esebimen utty.

Bul – G.Aınıtdınovanyń ITF týrnırlerindegi altynshy tabysy. Sonyń ekeýinde jekeleı, tórteýinde juptyq synda chempıondyq ataqqa qol jetkizdi.

J.Qulambaeva rýmynııalyq Oana Gavrılamen birge Mysyr astanasy Kaırde jartylaı fınalda reseılikter Elına Avanesıan – Ekaterına Vıshnevskaıany joldan taıdyrdy – 7:6, 6:4. Sońǵy básekede mysyrlyq ıAsmın Ezzat – amerıkalyq Klervı Ngonoýnıge esh amal qaldyrmady – 6:4, 6:0.




Bul – J. Qulambaevanyń ITF dodalaryndaǵy toǵyzynshy tıtýly. Sonyń segizinde juptyq synda jeńiske jetse, bıyl úshinshi ret úzdik shyǵyp otyr.

Sonymen qatar «Qazaqmys» tennıs klýbynyń túlegi Іńkár Dúısebaı Tırana (Albanııa) qalasynda ótken Tennis Europe National Sport Park Open U16 týrnıriniń fınalyna deıin jetti. Fınaldyq saıysta Іńkár ýkraınalyq Anastasııa Fırmanǵa 5:7, 2:6 esebimen ese jiberdi.




Eske sala keteıik, budan buryn A.Býblıktiń Madrıd masters týrnıriniń jartylaı fınalyna shyǵa almaǵanyn jazǵan bolatynbyz.

Sondaı-aq A.Býblıktiń Rım masters týrnırindegi qarsylasy belgili boldy.




Avtor Eljan Eraly
Basty sózder: Qoǵam, Sport,
Joǵary qaraı