Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq telearnalar Eldos Smetovtiń beldesýlerin nege kórsetken joq

2021 jyldyń 24 shilde 2021 19:27

NUR-SULTAN. QazAqparat – Qazaqstan telearnasy Tokıo Olımpıadasynyń búgingi kórsetiliminde nege qazaqstandyq sportshylardyń jarysy qamtylmaǵanyn túsindirip, málimdeme jasady, dep habarlaıdy QazAqparat tilshisi.

«Qurmetti kórermender! Tokıodaǵy Olımpıada oıyndaryn kórsetý quqyǵy jarystardyń basynda alynǵandyqtan, sporttyq syndardan tikeleı kórsetilim uıymdastyrýda belgili bir qıyndyqtar bar. Quqyqty satyp almaı turyp sıgnaldy qabyldaıtyn jabdyqty tekserý jáne synaqtan ótkizý múmkin emes. Sondyqtan telearnalardyń aldyn-ala daıyndalýǵa múmkindigi bolmady.

Tehnıkalyq aqaýlardyń paıda bolý qaýpin eskersek te, búgingi Olımpıada baǵdarlamasy habar taratý kestesine engizilgen bolatyn. Alaıda bizdiń otandastarymyzdyń keıbir jarystaryn jankúıerler tikeleı efırde kóre almady», - delingen málimdemede.

Arnanyń resmı málimeti boıynsha el aýmaǵynda Tokıodan tikeleı kórsetilim uıymdastyratyn «Habar» jáne Ulttyq arna mamandary qazir atalǵan kemshilikti joıýǵa kirisip ketken. Bul jumystar 3 kúnge deıin sozylýy da múmkin.

«Qazaqstan» TRK AQ jáne «Habar» Agenttigi» AQ qyzmetkerleri kemshilikterdi túzetý úshin qolda bar múmkindikterdi paıdalanýǵa tyrysyp jatyr. Synaq rejıminde sıgnal alý bir-eki kúnge sozylýy múmkin ekenin eske salamyz. Eger másele erterek sheshilse, ol týraly resmı paraqshalarymyz arqyly habarlaımyz», - delingen habarlamada.


Avtor Esimjan Naqtybaı
Basty sózder: Olımpıada, BAQ, Qoǵam,
Joǵary qaraı