Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq shahmatshy álemniń vıtse-chempıonyn jeńip, úzdik nátıje kórsetti

2021 jyldyń 20 shilde 2021 17:47

NUR-SULTAN. QazAqparat - Halyqaralyq grossmeıter, shahmattan Qazaqstan quramasynyń kóshbasshysy Rınat Jumabaev AQSh sportshysy, álemniń vıtse-chempıony Fabıano Karýanadan basym tústi, dep habarlaıdy QazAqparat elimizdiń Shahmat federatsııasynyń baspasóz qyzmetine silteme jasap.

Shahmat federatsııasynyń málimetinshe, búginde Sochı qalasynda shahmattan FIDE álem kýbogy ótip jatyr. Atalǵan básekede halyqaralyq grossmeıter, shahmattan Qazaqstan quramasynyń kóshbasshysy Rınat Jumabaev qarsylasyn jeńdi. Ol AQSh shahmatshysy álemniń vıtse-chempıony Fabıano Karýanadan basym tústi.

«Qazaqstandyq shahmatshyǵa 3 raýndtyń ekinshi kezeńinde jeńiske jetý ońaıǵa soqpady, óıtkeni ol qara túste oınady. Alaıda oıyn barysynda fıgýralardyń standartty emes qatynasy bar pozıtsııa paıda bolyp, jerlesimizge qarsylasynan basym túsýdiń sáti tústi. 3 raýndtyń birinshi kezeńinde qazaqstandyq shahmatshy qarsylasymen teńdeı tústi, osylaısha Rınat 1.5: 0.5 esebimen týrnırdegi basty favorıtterdiń birin jeńip, álem kýbogynyń kelesi kezeńine joldama aldy», - delingen habarlamada.




Jerlesimizdiń álem kýbogyndaǵy kelesi qarsylasy búgin AQSh grossmeısteri Sem Shenklend pen ýkraındyq Aleksandr Areenko arasyndaǵy taı-brek matchynyń qorytyndysynan keıin belgili bolady.


Avtor Álı Ibraev
Basty sózder: Sport,
Joǵary qaraı