Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq óndiristiń árbir úshinshi avtomobıli eksportqa baǵdarlanady – Beıbit Atamqulov

2021 jyldyń 30 qarasha 2021 10:18

NUR-SULTAN. QazAqparat – Qazaqstan «KAMAZ» jáne HYUNDAI kásiporyndarynyń jahandyq ótkizý tizbeginiń bir bóligine aınalady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Óńdeý ónerkásibin damytý boıynsha qoıylǵan mindetter jalpy somasy 3 mlrd AQSh dollary bolatyn 50-den astam ónimge eldiń ortasha jyldyq qajettiligin óteıdi. Keramıkalyq plıtkalarǵa, jylý oqshaýlaǵysh materıaldarǵa, alıýmınıı radıatorlaryna, lamınattalǵan aǵash-jońqa taqtasyna, mıneraldyq tyńaıtqyshtarǵa, koks pen jartylaı koksqa ishki qajettilik 100% (júz paıyz) óteledi. Sanfaıansqa qajettilik 75% jabylady», - dedi B. Atamqulov.

Onyń aıtýynsha, 2025 jylǵa qaraı shıkizat emes eksportty 1,5 esege ($21,8 mlrd AQSh doll) arttyrý mindeti qoıyldy. Oǵan jetý úshin ónimderi álemniń 60-tan astam eline eksporttalatyn 180 jobany iske qosý josparlanyp otyr.

«Osylaısha, Qazaqstan ferroqorytpalardyń ekinshi eksporttaýshysy bolady (1-oryndy AQSh alady). Biz tuz-qyshqyl ydyraý qoldanylatyn kúrdeli tyńaıtqyshtar óndirisi boıynsha álemdegi alǵashqy el bolamyz. Qazaqstan «KAMAZ» jáne HYUNDAI kásiporyndarynyń jahandyq ótkizý tizbeginiń bir bóligine aınalady. Sondaı-aq, qazaqstandyq óndiristiń árbir úshinshi avtomobıli eksportqa baǵdarlanady. Bul rette otandyq komponentterdi (bamper, dıskiler, rezeńke kilemsheler, akkýmýlıatorlar) óndirý esebinen jergilikti qamtý úlesi 50% jetedi», - dedi mınıstr.


Joǵary qaraı