Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq olımpıadashylardyń ekinshi legi Tokıoǵa jetti

2021 jyldyń 29 shilde 2021 14:07

NUR-SULTAN. QazAqparat - Qazaqstandyq olımpıadashylardyń taǵy bir toby Almatydan Tokıoǵa ushyp bardy. Delegatsııa quramynda 44 adam bar, onyń ishinde 23 sportshy, jattyqtyrýshylar, kúrdeli ǵylymı toptardyń mamandary men ákimshilik qyzmetkerleri dep habarlaıdy Olympic.kz.

Sportshylar qatarynda erkin jáne áıelder kúresi, ártistik júzý, kórkem gımnastıka men júzý, bessaıys pen jeńil atletıka sportynyń ókilderi kelgen.

«Aman-esen ushyp keldik. Olımpıada aýylyndaǵy qazaqstandyq sportshylar qataryna qosylǵansha asyqtyq. Daıyndyq pen sportshylardyń qalpyna kelýine ýaqyt jetedi dep oılaımyn. Bizdiń atletter Olımpıada oıyndaryna qarqyndy daıyndalyp, erekshe jigerlenip keldi», - deıdi Gıýzel Manıýrova.

Japonııaǵa kelgen soń sportshylar men jattyqtyrýshylar karantın aımaǵynda boldy. Odan keıin charterlik reıspen Tokıoǵa jetti.

Jeńil atletıka boıynsha básekeler 30 shildede bastalady. Áıelder 100 metr qashyqtyq pen úsh qarǵyp sekirý boıynsha baq synaıdy. Jarys jolyna Olga Rypakova da shyǵady. Ol qazirgi tańda Tokıoda jattyǵyp jatyr.

Sondaı-aq, Olga Safronova, Marııa Ovchınnıkova, Irına Ektova da baq synaıdy. Erler arasynda 400 metr qashyqtyq boıynsha Mıhaıl Lıtvın 1 tamyzda jarysqa qosylady. 1 tamyzdan bastap Elmıra Syzdyqova bastaǵan burymdy balýandar men grek-rım kúresiniń sheberi Meırambek Aınaǵulov beldesedi.

2 tamyzda ártistik júzýden Aleksandra men Ekaterına Nemıchter, 5 tamyzda qazirgi bessaıys boıynsha Elena Potapenko men Pavel Ilıashenko, 6 tamyzda kórkem gımnastıkadan Alına Ádilhanova óner kórsetedi.

28 shildedegi nátıje boıynsha Qazaqstan quramasynyń qorjynynda Olımpıada oıyndarynan úsh qola medal bar. Ony dzıýdoshy Eldos Smetov men aýyr atletter Zýlfııa Chınshanlo men Igor Son utyp aldy.


Basty sózder: Sport, Olımpıada,
Joǵary qaraı