Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq olımpıadashylar Beıjińge jetti

2022 jyldyń 28 qańtar 2022 09:05

BEIJІŃ. QazAqparat – Qazaqstandyq sportshylar juma kúni tańerteń «Air Astana» arnaıy reısimen qysqy Olımpıada oıyndaryna qatysý úshin «Shoýdý» Beıjiń halyqaralyq áýejaıyna jetti, dep habarlaıdy QazAqparat tilshisi.

Osy reıspen konkımen júgirý sporty, short-trek, frıstaıl-mogýl, taý shańǵysy, tramplınnen shańǵymen sekirý jáne shańǵy qossaıysy boıynsha qazaqstandyq komandalardyń músheleri keldi.

Qazaqstan delegatsııasy PTR-test pen tólqujat baqylaýynan ótkennen keıin Olımpıada qalashyǵyna bet aldy.

XXIV qysqy Olımpıada oıyndary 4-20 aqpan aralyǵynda Beıjińde ótedi.

27 qańtar kúni Qazaqstan delegatsııasy Nur-Sultan – Almaty – Beıjiń baǵyty boıynsha qysqy Olımpıada oıyndaryna ushyp shyqqanyn keshe jazǵan bolatynbyz.

XXIV qysqy Olımpıada 4-20 aqpan aralyǵynda Beıjińde ótedi. Oǵan Qazaqstan quramasynan barlyǵy 34 sportshy qatysady, olar 87 joldama jeńip aldy. Qazaqstandyqtar shańǵy jarysy, frıstaıl akrobatıka jáne mogýl, konkımen júgirý, short-trek, bıatlon, taý shańǵysy, tuǵyrdan sekirý, shańǵy qossaıysy sııaqty 8 sport túrinen synǵa túsedi.

Oıyndardy «Qazaqstan», «Qazsport», «Habar» jáne «El arna» telearnalarynan tikeleı efırden kórýge bolady.

Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.


Joǵary qaraı