Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq oqýshylar hımııa páninen halyqaralyq olımpıadada 8 medal jeńip aldy

2022 jyldyń 16 mamyr 2022 10:05

NUR-SULTAN. QazAqparat – Hımııadan 56-shy Halyqaralyq Mendeleev olımpıadasynda qazaqstandyq oqýshylar 3 kúmis, 5 qola medal jeńip aldy. Zııatkerlik saıystar 9-16 mamyr aralyǵynda Tashkentte ótti, dep habarlaıdy QR BǴM baspasóz qyzmeti.

Qazaqstan quramasy atynan Qaraǵandy, Aqtaý, Nur-Sultan, Óskemen, Pavlodar jáne Aqtóbe oblystarynan 10 jáne 11 synyptardyń 12 oqýshysy qatysty.

Olar TMD, Baltyq jáne Ońtústik-Shyǵys Eýropa elderiniń qurdastarymen bilim saıysynda baq synasty.

«Bilim jáne ǵylym mınıstrligi oqýshylarymyzǵa basqa elderdegi qurdastarymen básekelesýge múmkindigin arttyrý úshin barlyq jaǵdaıdy jasap jatyr. Kúni keshe balalarymyz alǵash ret Frantsııadaǵy Dúnıejúzilik gımnazıadaǵa attanǵanyn bilesizder. Ózbekstanda ótken Mendeleev olımpıadasynyń júldegerleri qabyldaý emtıhandaryn tapsyrmaı-aq Reseıdiń jetekshi joǵary oqý oryndarynda tegin oqýǵa múmkindik alady. Qazaqstan quramasyn el ishindegi olımpıadalardyń «eleginen» ótken oqýshylar tanystyrdy. Tashkentke 2022 jylǵy respýblıkalyq olımpıadanyń jeńimpazdary men júldegerleri bardy. Sondaı-aq olar birneshe ret oqý-jattyǵý jıyndarynda eń joǵary nátıje kórsetken olımpıadalyq rezervtiń músheleri. Aıta keteıik, bıyl biz komandany úzdikterdii úzdigi tanystyrýy úshin barlyq deńgeıdegi olımpıadany ótkizý protsesin avtomattandyrdyq», - dep aıtty «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshev.




Hımııa páni boıynsha oqýshylardyń Halyqaralyq Mendeleev olımpıadasy jyl saıyn júzdegen talantty hımıkterdiń basyn qosady.


Joǵary qaraı