Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq ǵalymdar dándi-daqyldardyń jańa surpyn ázirleýde

2020 jyldyń 13 qazan 2020 19:36

AQMOLA OBLYSY. QazAqparat - A. Baraev atyndaǵy astyq sharýashylyǵy ǵylymı-óndiristik ortalyǵynyń mamandary reseılik áriptesterimen birlesip bıdaı jáne ózge de aýyl sharýashylyǵy dándi-daqyldarynyń jańa surpyn ázirleý ústinde. Bul týraly atalǵan ortalyqtyń dırektory mindetin atqarýshy Baqyt Erbolatov málim etti, dep habarlaıdy QazAqparat tilshisi.

«Bizdegi bıdaıdyń jańa suryptary buzylmaıdy jáne uzaq saqtalady. Sondyqtan da aýyl sharýashylyǵy salasynda keńinen tanymal. Búginde bıdaıdyń «Shortandy- 20/12», «Shortandy - 95 jaqsartylǵan», «Astana» atty jańa suryptary elimiz boıynsha 3 mln-nan astam ga jerge egildi. Jáne bul bıdaı suryptaryna suranys joǵary. Degenmen de biz bul jetistikpen toqtamaı, bıdaıdyń basqa suryptaryn ázirleýdemiz. Atap aıtqanda, «Asyl sapa», «Taımas» ataýly bıdaıdyń jańa túri búginniń ózinde aýyl sharýashylyǵynda úlken suranysqa ıe», - dedi B. Erbolatov.

Onyń aıtýynsha, ortalyq mamandary tek bıdaı ǵana emes, sondaı-aq mal azyǵy úshin uzaqmerzimdi shópterdiń de jańa suryptaryn ázirleýdi qolǵa alýda.

«Aıtar bolsam, sýdandyq «Nıka» ataýly shópti novosibirlik ǵalymdarmen birlesip ázirledik. Búginde ol synaq merziminen ótýde. Odan bólek, jarmanyń da jańa suryptary bar. Qazirgi ýaqytta bizdiń mamandar 140-tan astam aýyl sharýashylyǵy dándi-daqyldarynyń jańa surpyn daıyndap shyqty. Onyń 60 paıyzyn bıdaı túrleri quraıdy. Bolashaqta óz ónimderimizdi syrtqa esporttaýdy da josparlaýdamyz. Búginde bul baǵytta reseılik áriptesterimizben birlesken kólemdi jumystar atqarylýda», - dedi ol.

Aıta ketsek, buǵan deıin atalǵan ortalyqtyń núktelik eginshilik jobasyn júzege asyryp jatqandyǵy týraly habarlaǵan bolatynbyz.



Joǵary qaraı