Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq ǵalym Shortandy kóli sý balansynyń modelin jasady

2022 jyldyń 24 mamyr 2022 12:22

NUR-SULTAN. QazAqparat - Býrabaı saıabaǵynyń sý resýrstaryn saqtaý úshin kólderdi basqarý strategııasy qajet. Jas ǵalym Marjan Baıǵalıeva Shortandy kóliniń sý teńgeriminiń modelin ázirledi, dep habarlaıdy QazAqparat.

Jalpy, Soltústik Qazaqstannyń kóptegen kólderi endoreıalyq, ıaǵnı aǵynsyz sý sanatyna jatady. Mundaı kólderde sý shyǵyny býlaný, ınfıltratsııa nemese jasandy sý alý esebinen júzege asady, demek jerústi nemese jerasty aǵyny bolmaıdy.

Nazarbaev ýnıversıteti ǵalymynyń aıtýynsha, kólder qorshaǵan ortanyń ózgerýin, adamdardyń aralasýyn tez sezedi. Sońǵy júzjyldyqta Býrabaı saıabaǵynyń kólderindegi sý kólemi ózgeristerge ushyrady.

«Alaıda, Býrabaı kólderi júıesindegi sý kóleminiń azaıýynyń qazirgi tendentsııalarynyń sebepteri zerttelmegen kúıinde qalyp otyr. Joba bul aımaqtaǵy sý kóleminiń edáýir azaıýyn antropogendik sý qorshaýynan týyndaǵanyn kórsetedi», - dep atap ótti Marjan Baıǵalıeva.

Ol Shortandy kóline klımat pen antropogendik qyzmettiń áserin zerttegen.

Sonymen qatar, klımattyń bolashaq modeldeýi aımaqtyq klımattyń jyly ári ylǵaldy bolatyndyǵyn kórsetedi. Bul oraıda sýdy basqarý strategııalary osy aımaqtaǵy sý resýrstary úshin óte mańyzdy.


Basty sózder: Ǵylym, Býrabaı, Aqmola oblysy,
Joǵary qaraı