Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq fılm Reseı festıvalinde bas júldeni jeńip aldy

2020 jyldyń 24 qazan 2020 03:00

NUR-SULTAN. QazAqparat - Qazaqstandyq «Janym, aıtsam senbeısiń ǵoı» fılmi reseılik «Kınoshok» festıvaliniń bas júldesin jeńip aldy, dep habarlaıdy QazAqparat.

Bul jaıynda kınofestıvaldiń resmı saıtynda jarııalandy.

1992 jyldan beri Reseıdiń Anapa qalasynda uıymdastyrylatyn jyl saıynǵy «Kınoshok» festıvaliniń saltanatty marapattaý rásimi bıyl 17-23 qazan aralyǵynda ótken bolatyn.

Sharanyń bas júldesi - tolyq metrajdy fılmge beriletin «Altyn sabaq» gran-prı syılyǵyn Ernar Nurǵalıevtiń «Janym, aıtsam senbeısiń ǵoı» fılmi ıelendi.

Kınotýyndy sonymen qatar Baspasóz dıplomyn alyp, «Úzdik stsenarıı» atalymynda kósh boıy ozyp shyqty.




Foto: Facebook

Sondaı-aq qazaqstandyq «Chernyı, chernyı chelovek» fılminiń qoıýshy rejısseri Ádilhan Erjanov festıvaldiń «Úzdik rejıssýra» nomınatsııasynda jeńiske jetti.

Al osy fılmniń basty rólin somdaǵan Danııar Alshynov úzdik akter atandy.

Aıta keteıik, Danııar Alshynov «Janym, aıtsam senbeısiń ǵoı» fılminde de basty rólde oınaǵan.



Avtor Janat Qapalbaeva
Basty sózder: Mádenıet, Reseı,
Joǵary qaraı