Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq dzıýdoshy álemdegi eń úzdik on balýannyń tizimine endi

2020 jyldyń 30 qazan 2020 08:39

BÝDAPEShT. QazAqparat – Halyqaralyq dzıýdo federatsııasy (IJF) Býdapeshtte (Vengrııa) aıaqtalǵan «Úlken dýlyǵa» týrnır qorytyndysy boıynsha jasalǵan álem dzıýdoshylarynyń jańa reıtıngin jarııalady. Jarysqa álemniń 69 elinen 459 sportshy qatysty, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Jarys qorytyndysy boıynsha Armııa ortalyq sport klýbynyń sportshysy efreıtor Ǵusman Qyrǵyzbaev 60 kelige deıingi salmaq dárejesinde álemdik reıtıngtegi úzdik dzıýdoshylardyń jetinshi satysynda tur. Onyń esebinde 4080 upaı bar.

«Býdapeshttegi «Úlken dýlyǵa» jarysy – koronavırýs pandemııasyna baılanysty uzaq úzilisten keıingi alǵashqy mańyzdy týrnır. Saıysqa qatysýshylar quramy óte myqty. Álemniń úzdik balýandary qatysty. Osyǵan qaramastan Ǵusman joǵary nátıje kórsetti. Bizdi aldaǵy jarystarǵa qarqyndy daıyndyq kútip tur», – dep atap ótti Armııa ortalyq sport klýbynyń olımpıadalyq sport túrleri boıynsha shtattyq komandalardy daıarlaý bóliminiń bastyǵy maıor Ánýar Úsenov.

Ǵusman Qyrǵyzbaev – QR Ulttyq quramasynyń múshesi, 2016 jyly Tsıýrıhte (Shveıtsarııa) ótken CISM (Halyqaralyq áskerı sport keńesi) áskerı qyzmetshileri arasyndaǵy álem chempıonatynyń jeńimpazy, 2018 jyly Agadırde (Marokko) ótken Gran-prı kezeńiniń jáne 2019 jyly Abý-Dabıde (BAÁ) ótken «Úlken Dýlyǵa» (Grand-Slam) týrnıriniń chempıony, halyqaralyq týrnırlerdiń birneshe dúrkin júldegeri.


Basty sózder: Sport,
Joǵary qaraı