Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq boksshy qyz Frantsııa chempıonyn nokaýtqa túsirdi

2021 jyldyń 16 sáýir 2021 09:18

NUR-SULTAN. QazAqparat – Qazaqstandyq Aıshagúl Eleýbaeva Polshanyń Kelts qalasynda ótip jatqan bokstan jastar arasyndaǵy álem chempıonatyndaǵy alǵashqy jekpe-jegin ótkizdi. Aıshagúl óziniń frantsýz qarsylasyn tórt ret nokdaýnǵa túsirdi, dep habarlaıdy QazAqparat Sports.kz-ke silteme jasap.

1/8 fınalynda 54 kelige deıingi salmaq dárejesinde Eleýbaeva jasóspirimder arasyndaǵy Frantsııa chempıony Zoe Kýverselmen kezdesip, oǵan aıqasýǵa esh múmkindik qaldyrmady. Jekpe-jek barysynda Aıshagúl tórt ret qarsylasyn nokdaýnǵa jiberdi, tórtinshisinen keıin tóreshi qazaqstandyq boksshynyń merziminen buryn jeńgenin habarlady.

Osylaısha Aıshagúl Elýbaeva 2021 jylǵy Jastar arasyndaǵy ÁCh-da shırek fınalǵa shyqty. Sondaı-aq bul týrnırge Qazaqstan qyzdar quramasynan Araılym Marat (48 keli), Gúlnar Turapbaı (51 keli), Nazerke Serik (51 keli), Juldyz Shaıahmetova (60 keli), Mılana Aıýpova (64 keli), Jasmın Qızatova (69 keli), Dana Dıdaı (75 keli), Ásel Saǵatova (81 keli) jáne Eldana Tálipova (+81 keli) joldama aldy.


Basty sózder: Sport,
Joǵary qaraı