Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandyq batýttaǵy gımnastıkadan álem chempıony atandy

2021 jyldyń 28 qarasha 2021 15:03

NUR-SULTAN. QazAqparat – Qazaqstandyq Islam Qabdollov Bakýde ótip jatqan batýttaǵy gımnastıkadan álem chempıonatynda jeńimpaz atandy, dep habarlaıdy QazAqparat tilshisi.

Ulttyq olımpıada komıteti málim etkenindeı, I.Qabdollov 11-12 jastaǵylar arasynda akrobatıkalyq jolda sekirýden altyn medaldi jeńip aldy.

Islam fınalda Reseı, Belgııa, Izraıl, Portýgalııa jáne Ońtústik Afrıka elderiniń sportshylaryn basyp ozdy.

BQO dene shynyqtyrý jáne sport basqarmasynan túsken málimetke qaraǵanda, Islam Esengeldiuly 2009 jyly 16 jeltoqsanda Oral qalasynda dúnıege kelgen. Oraldaǵy №19 orta mekteptiń 6-synyp oqýshysy.




Gımnastıkamen №2 balalar-jasóspirimder sport mektebinde bes jasynan bastap shuǵyldanyp keledi. Bapkeri – Albert Tilepqalıev.

Islam sportshylar otbasynda tárbıelenýde. Ákesi Esengeldi Aısaǵalıev – sambodan, anasy Aıjan Musabekova – gımnastıkadan sport sheberi. Anasy – óńirge tanymal gımnastıka bapkeri.


Avtor Eljan Eraly
Basty sózder: Sport,
Joǵary qaraı