Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandyq 8 oqýshy Azııa olımpıadasyna qatysyp jatyr

2022 jyldyń 26 mamyr 2022 09:44

NUR-SULTAN. QazAqparat - Fızıka páninen 22-Azııa olımpıadasynda (APhO) qazaqstandyq 8 oqýshy júldeli oryndarǵa baq synap jatyr, dep habarlaıdy QazAqparat.

Ulttyq quramada Nur-Sultan, Almaty, Pavlodar, Atyraý jáne Aqtóbe qalalarynyń 10-11-synyp oqýshylary bar. Olardyń barlyǵy - fızıkadan respýblıkalyq olımpıada jeńimpazdary men júldegerleri.

Bıyl zııatkerlik saıystar 24-31 mamyr aralyǵynda onlaın formatta ótedi. Qurlyqtyq halyqaralyq olımpıadaǵa álemniń 20-dan astam eliniń ókili qatysady. Onyń ishinde Bangladesh, Kambodja, Qytaı, Úndistan, Indonezııa, Izraıl, Malaızııa, Mońǵolııa, Pákistan, Rýmynııa, Reseı, Sıngapýr, Shrı-Lanka, Qazaqstan, Saýd Arabııasy, Túrkııa, Taıland, Taıvan, Vetnam sııaqty elder bar.

«Qazaqstandyq mektep oqýshylary jyl saıyn fızıkadan Azııa olımpıadasyna qatysady. Bul mektep oqýshylary úshin óz bilimin álemdik deńgeıde kórsetýge jáne Azııa-Tynyq muhıty aımaǵyndaǵy úzdik elderdiń kóshbasshylarymen básekege túsýge taptyrmas múmkindik. Byltyr bul olımpıada onlaın ótip, jerlesterimiz jaqsy nátıje kórsetti. 2021 jyly ulttyq qurama 1 altyn, 3 qola medal jeńip aldy. Bıylǵy nátıje budan da jaqsy bolady dep senemiz», - dedi «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshev.

Fızıka boıynsha Azııa olımpıadasyndaǵy jeńis balalarǵa ulttyq quramaǵa kirýge jáne halyqaralyq matematıkalyq olımpıadada (IMO) Qazaqstan atynan shyǵýǵa múmkindik beredi.



Basty sózder: Nur-Sultan, Bilim, Oqýshy,
Joǵary qaraı