Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy UNICEF ókili: Pandemııany jeńýdiń jalǵyz joly - vaktsına

2021 jyldyń 2 jeltoqsan 2021 21:12

ALMATY. QazAqparat - Qazaqstan balalarǵa ekpe salý boıynsha óte jaqsy kórsetkish kórsetip otyr. Statıstıkaǵa sensek, balalardyń 95%-dan astamy juqpaly aýrýlarǵa qarsy vaktsına alady. Bul týraly jýrnalıstermen kezdesý barysynda Qazaqstandaǵy BUU UNICEF balalar qorynyń ókili, eldik keńseniń basshysy Artýr van Dızen aıtty, dep habarlaıdy QazAqparat tilshisi.

Spıkerdiń aıtýynsha, tamasha kórsetkishtermen qatar, balalar arasynda vaktsınamen aldyn alýǵa bolatyn aýrýlar da órship otyr.

«Mysaly, 2019 jyly qyzylsha aýrýynyń 13 myńnan astam jaǵdaıy tirkeldi. Bul vaktsınamen qamtýda úlken olqylyqtar bar ekenin kórsetedi. Sondaı-aq, dárigerler taǵaıyndaǵan qarsy kórsetilimi bar balalardyń sany artyp kele jatqanyn kóremiz. Mysaly, 2020 jyly 22 myń bala vaktsınanyń belgili bir túrine qarsy kórsetilim aldy jáne bul 2019 jylmen salystyrǵanda 38% kóp. Vaktsınamen qamtýdaǵy alshaqtyq ulǵaıýda, ol aldyn alýǵa bolatyn qandaı da bir aýrýlardyń qaıta órshýine ákeledi. Sondaı-aq, vaktsınalaý arqyly joǵalyp ketken aýrýlardyń qaıta kelý jaǵdaılary tirkelgen», - dedi Artýr van Dızen.

Ol sonymen qatar kóptegen ata-analardyń áli de vaktsınadan bas tartyp jatqanyna toqtaldy.

«Vaktsınadan bas tartý máselesi pandemııaǵa deıin de bolǵan. Bul baǵytta biz jumysty jalǵastyryp jatyrmyz. UNICEF-tiń negizgi mindeti - ata-analarǵa vaktsınadan bas tartý sebebin jeńýge kómektesý. Ol úshin biz kóp nárse jasaýdamyz. Mysaly, QR úkimetimen yntymaqtastyq aıasynda vaktsınalaý týraly jańa vebsaıt ashtyq. Onda ata-analar vaktsına týraly búkil aqparatty taba alady. Mysaly, vaktsına neden turady, vaktsınalaý kúntizbesi, adamdy vaktsınalaýǵa bolatyn oryn jáne taǵy basqalar. Osylaısha biz vaktsınalaý týraly keıbir ańyzdardyń aldyn alamyz. Balalardy vaktsınalaý kerek, áıtpese, bul balalardyń aýyryp, mektepterdiń qaıta jabylýyna ákep soǵýy múmkin. Bul bilim salasyna keri áser etedi», - dedi ol.

Spıkerdiń aıtýynsha, pandemııany jeńýdiń jalǵyz joly - búkil álemde múmkindiginshe kóp adamdy vaktsınalaý.

Áńgime barysynda Qazaqstandaǵy UNICEF ókili jasóspirimder men júkti áıelderge ege bastaǵan Pfizer vaktsınasy týraly aıtyp berdi.

«Pfizer vaktsınasy júkti áıelder men balalar úshin óziniń qaýipsizdigin dáleldedi. Biz áli egjeı-tegjeıli taldaý júrgizgen joqpyz, sebebi, balalardy vaktsınalaý endi ǵana bastaldy», - dep túsindirdi ol.


Joǵary qaraı