Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy sút fermalarynyń ár ekinshisi SQO-da ornalasqan

2021 jyldyń 24 qyrkúıek 2021 11:16

PETROPAVL. QazAqparat – Soltústik Qazaqstan oblysy et óndirý kólemin 1,6 esege arttyrýdy josparlaǵan, dep habarlaıdy QazAqparat tilshisi.

SQO ákimi Qumar Aqsaqalov aýyl sharýashylyǵynda júzege asyp jatqan jobalardyń barysymen tanysty. Bul jaıynda óńir basshysy áleýmettik paraqshasynd a jazdy.

«Bizdiń mindet - aýyl sharýashylyǵynyń et-sút óndirisinde jumys oryndaryn kóptep ashý. Elimizdiń mal sharýashylyǵynda eń kóp jobalardy júzege asyryp jatqan bizdiń oblys. Osynyń arqasynda et óndirý kólemin 1,6 esege, 60 myńnan 100 myń tonnaǵa deıin arttyra alamyz.

Aqqaıyń aýdanyna jumys sapary barysynda aýyl sharýashylyǵy jobalarynyń qurylys barysyn tekserdim. Aralaǵash aýylynyń janynda úlken broıler qus fabrıkasy salynyp jatyr. Qazaqstandyq kompanııa 5,4 mlrd teńge ınvestıtsııa quıǵan. 168 turaqty jumys orny ashylady. Jańa qus fabrıkasy jylyna 5 myń tonna qus eti men 3,5 mln jumyrtqa óndiretin bolady», - deıdi Qumar Aqsaqalov.

Óńir basshysy Aqqaıyń aýdany Qııaly aýylynyń mańynda salynyp jatqan sút fermasynyń qurylysynda da boldy.

«Jergilikti sharýa Serǵazy Qarymsaqov jańa sút fermasynyń qurylysyn bastady. Bul oblysta salynyp jatqan 16 sút kesheniniń biri. Elimizde boı kóterip jatqan fermalardyń jartysy SQO-da ornalasqan. Biz jyl sońyna deıin 10 sút keshenin iske qosamyz.

Shaǵalaly aýylyna da soqtyq. Aýylda keshendi jóndeý jumystary júrgizilip jatyr. Dárigerlik ambýlatorııa kúrdeli jóndeýden ótedi, mektep jańartyldy, 6 km kóshe joldary jóndeldi. Shaǵalaly aýylyn jańǵyrtýǵa barlyǵy 446 mln teńge bólindi. Jalpy, bıyl oblystaǵy 128 aýyldy jańǵyrtýǵa 18,6 mlrd teńge baǵyttaldy», - dep jazdy SQO ákimi.


Joǵary qaraı