Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy saılaý demokratııa talaptaryna saı ótip jatyr – ýkraınalyq depýtat

2021 jyldyń 10 qańtar 2021 15:38

NUR-SULTAN. QazAqparat – Qazaqstanda demokratııalyq protsester men qundylyqtar joǵary deńgeıde. Bul - Ýkraına Joǵary Rada depýtaty, «Slýga Naroda» fraktsııasynyń múshesi, «Ýkraına – Qazaqstan» parlamentaralyq yntymaqtastyq tobynyń jetekshisi Evgenıı Shevchenkonyń búgingi saılaýda baıqaýshy retindegi pikiri, dep habarlaıdy QazAqparat tilshisi.

«Qazaqstan halqynyń Ýkraınamen dostyq, yntymaqtastyq nıeti jáne bizdi jyly qarsy alýy qýantady. Saılaý ýchaskelerindegi protseske qatysa otyryp aıtarym, Qazaqstanda demokratııalyq protsester men qundylyqtardyń joǵary deńgeıde ekenin kórip otyrmyz. Saılaý ýchaskeleri qoljetimdi jáne halyqaralyq baıqaýshylar qyzmetine eshqandaı kedergi joq. Buny saılaýshylardyń sany men daýys berý bıýlletenderinen baıqaýǵa bolady. Al bizde bul ýaqytta bıýlletender sany azyraq bolady. Sondaı-aq, azamattardyń asa belsendiligi baıqalady jáne aýa-raıy da qarasyp tur», - dedi E. Shevchenko elordada táýelsiz halyqaralyq baıqaýshylardyń qatysýymen ótken baspasóz máslıhatynda.

Onyń aıtýynsha, saılaý kezinde Qazaqstan halqy jaýapty ári tártipti saqtaıdy.

«Sizderde jaýapkershilik, moral - barlyǵy da zań aıasynda júzege asyrylady. Osydan da bolar, Qazaqstan - kópultty memleket jáne adamdar bir-birimen jyly qarym-qatynasta. Múmkin bizdiń de sizderden úırenetinimiz kóp shyǵar», - dedi ol.

Ýkraınalyq depýtattyń sózine sensek, saılaýdyń demokratııaly túrde ótýi saılaý ýchaskeleriniń qoljetimdiligimen jáne halyqtyń aqparattandyrylýymen mańyzdy.

«Saılaý ýchaskelerindegi daýys berý protsesin tańerteńgi saǵat 10:00-den baqylaýdy bastadyq. Rasymen saılaýǵa adamdardyń kóptep kelip jatqany baıqaldy. Biz Qazaqstan halqynyń sana-seziminiń joǵary deńgeıde ekenin bilemiz. Olar Parlament saılaýynyń mańyzyn túsinedi. Árıne, áleýmettik araqashyqtyqty saqtaýǵa qatysty kishigirim tártip buzýshylyq boldy, degenmen barlyǵy da maska taǵyp júrdi. Eń bastysy - saılaýdy demokratııa talaptaryna saı ótip jatyr dep aıtýǵa bolady», - dedi Ýkraına Joǵary Rada depýtaty, «Slýga Naroda» fraktsııasynyń múshesi Sergeı Lıtvınenko.


Joǵary qaraı