Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy kólik-logıstıka salasy pandemııa jaǵdaıynda qalaı jumys istep tur

2021 jyldyń 31 shilde 2021 00:30

NUR-SULTAN. QazAqparat – Qazaqstanda kólik-logıstıka salasyna pandemııanyń tıgizgen áseri qandaı jáne karantın kezinde atalǵan salaǵa qalaı yqpal etti. Bul suraqtarǵa elordadaǵy «Temir servıs» kólik-logıstıka stansasynyń basshysy Rınat Sálimgereev jaýap berdi, dep habarlaıdy QazAqparat tilshisi.

«Árıne, jumys barysyna pandemııa óz áserin tıgizdi. Sanıtarlyq talaptardy saqtaý ıaǵnı jumysshylardyń temperatýrasyn kúnine 2 ret ólsheý, maska taǵý, shoǵyrlanýǵa jol bermeý degen sekildi. Bastapqyda osy erejeler túsinispeýshilik jaǵdaıyn týǵyzdy, keıin kele qalypty ádetke aınaldy. Pandemııaǵa qaramastan sanıtarlyq talaptardy saqtaı otyryp, jumysymyzdy jalǵastyrdyq. Sebebi biz tasymaldaıtyn júk taýarlary halyqtyń turmys-tirshiligi úshin mańyzy zor boldy», - dedi Rınat Sálimgereev baspasóz týry barysynda.

Onyń aıtýynsha, sanıtarlyq talaptardyń qatań saqtalýynyń nátıjesinde kólik-logıstıka salasy pandemııa kezinde jumysyn toqtatpaǵan.

«Bizdiń tasymal ortalyǵynda 40 adam jumys isteıdi. Biz syrt elden keletin júk tasymalymen ǵana emes ishki aınalymmen de shuǵyldanamyz. Olardyń qatarynda halyq jıi tutynatyn taýarlar, elektronıka jáne turmys zattary bar. Qajet jaǵdaıda kúnine 90 konteıner júkke deıin qabyldap nemese jónelte alamyz. Sonymen qatar, júkterdi saqtaý múmkindigi bar, ol úshin taýarlardy belgili temperatýrada saqtaıtyn qoımalar jumys isteıdi», - deıdi ol.

Buǵan deıin Nur-Sultan qalasyndaǵy kólik-logıstıka ortalyǵyna kúnine qansha júk kelip túsetinitýraly habarlaǵan edik.

«Bizdiń kólik-logıstıka ortalyǵy 2015 jyly quryldy. Qazirgi ýaqytta elordalyq termınal jylyna 250 tonna júk qabyldaıdy. Al aı saıyn 300-400 vagon júk jetkiziledi. Bul ortalyq bir mezgilde 2 myń konteıner júk qabyldap, ony odan ári jetkize alady», - dedi «KTZ Express» AQ konteınerlik tasymaldaý qyzmeti departamentiniń dırektory Erjan Baıǵojın.


Avtor Álı Ibraev
Basty sózder: Koronavırýs, Jol, Qoǵam, Kólik,
Joǵary qaraı