Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy eń meıirimdi aýyl belgili boldy

2021 jyldyń 3 jeltoqsan 2021 16:33

PAVLODAR. QazAqparat - «Qaıyrymdy ister marafony» ulttyq jobasy aıasynda uıymdastyrylǵan «Eń meıirimdi» baıqaýynda Batys Qazaqstan oblysyna qarasty Jalpaqtal aýyly «Eń meıirimdi aýyl» ataǵyna ıe boldy, dep habarlaıdy QazAqparat tilshisi.

Atalǵan joba aıasynda Túrkistan oblysyna qarasty Qojatoǵaı aýyly II oryn alsa, osy óńirdegi Tólebı aýdany Kemeqalǵan aýyldyq okrýgi Aqbastaý aýyly júldeli III oryndy ıelendi.

«Jalpaqtal aýylynda qalyptasqan bir dástúr bar. Mektep túlekteri jyl saıyn týǵan aýylyn abattandyrý men kógaldandyrýǵa atsalysyp keledi. 2013-2021 jyldar aralyǵynda túlekter óz qarajatyna 123 mln teńgege 22 nysannyń qurylysyn júrgizdi. Bul dástúr keıingi urpaqty jańa nysandardy jasaýǵa shabyttandyrady. Kez kelgen sáýletti ǵımarattyń sulýlyǵy onyń nyq qalanǵan irgetasynan bastalatynyn eskersek, Jalpaqtal aýylynyń da meıirimdi aýyldar qatarynan kórinip, úzdikter sapyna iligýi, sol jerdi erteden meken etip, ómir súrip kele jatqan jergilikti turǵyndardyń o bastaǵy eldik qaǵıdatyna tikeleı baılanysty dep esepteımiz. Aýyl ajaryn aıshyqtap, óz qolymen ásem kóshelerin sándeýge daǵdylanǵan bul aýyldyń eljandy perzentteri joǵary jaqtan eshqandaı nusqaý kútpeı-aq, ózderiniń turmystaryna qajetti nysandardy túlekter bastamasymen turǵyzyp, jyl saıyn týǵan aýylyn ajarlandyryp keledi. Eldegi rýhanı jańǵyrý baǵdarlamasynan da buryn bastaý alǵan bul úrdis jalpaqtaldyq aǵaıyndar úshin jazylmaǵan qaǵıda retinde búgingi tańda túbegeıli qalyptasyp úlgerdi. Aýylymyz boıynsha «Rýhanı jańǵyrý» baǵdarlamasy aıasynda atqarylǵan jobalar óte kóp. Onyń barlyǵy túlekter tarapynan yjdaǵattylyqpen bastalyp, ýaqytynda tapsyryldy», - deıdi «eń meıirimdi» aýyldyń ákimi Álııa Jaqsybaeva.




Eske sala keteıik, «Qaıyrymdy ister marafony» jalpyulttyq jobasy Azamattyq bastamalardy qoldaý ortalyǵy men Aqparat jáne qoǵamdyq damý mınıstrliginiń qoldaýymen júzege asyp jatyr.

Jobanyń basty maqsattarynyń biri – jaqsylyqqa jany qumar adamdardy biriktirý jáne uıymdastyrý, qoǵam men adamdardyń ómirin jaqsy jaqqa ózgertýge múmkindik beretin, jomarttyq pen jaqsylyq ıdeıasyna negizdelgen qoǵam qurý.


Joǵary qaraı