Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy eń iri qarjy pıramıdasyn qurǵandar isi sotqa berildi - QR ІІM

2021 jyldyń 1 qarasha 2021 12:48

NUR-SULTAN. QazAqparat – Qazaqstandaǵy eń iri qarjy pıramıdasy QUESTRA WORLD-qa qatysty is sotqa berildi. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat.

«Ótken aptada táýelsiz Qazaqstan tarıhyndaǵy eń iri qarjy pıramıdasy QUESTRA WORLD-dy qurdy dep aıyptalǵandar isi sotqa berildi», - dedi N. Oraz aptalyq brıfıngide.

Onyń aıtýynsha, ІІM tergeý-jedel toby osy qarjy pıramıdasynyń basshylaryna qatysty qylmystyq is boıynsha sotqa deıingi tergeýdi aıaqtady.

«Tergeý barysynda 2016 jyldyń naýryzynan 2017 jyldyń maýsymyna deıin Ispanııa, Kabo-Verde jáne Reseı azamattary Qazaqstan aýmaǵynda QUESTRA WORLD qarjy pıramıdasyn quryp, ony qazaqstandyqtar da tartylǵan transulttyq uıymdasqan top quramynda basqarǵany anyqtaldy. Pıramıda basshylary salynǵan somanyń 336% deıin tabys tabýǵa kepildik berip, salymshylarǵa vırtýaldy valıýtany paıdalaný arqyly 90-nan 500 myń eýroǵa deıingi oıdan shyǵarylǵan ınvestıtsııalyq portfelder satyp alýdy usynǵan», - dedi Nurdildá Oraz.

Resmı ókildiń aıtýynsha, tartylǵan qarajat kásipkerlik qyzmette paıdalanylmaǵan, keıbir qatysýshylardy jańa salymshylardyń jarnalary esebinen baıyta otyryp, óz aralarynda bóliske salǵan.

Belsendi is-áreket nátıjesinde qarjy pıramıdasyna Qazaqstannyń myńdaǵan azamaty tartylǵan jáne 1 mlrd teńgeden astam shyǵyn keltirilgen.

Qylmystyq is boıynsha 4 adam, onyń ishinde buryn Belarýstan ekstradıtsııalanǵan Reseı Federatsııasynyń azamaty jaýapqa tartyldy.


Joǵary qaraı