Aýa raıy
Astana 17 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstandaǵy dárihanalar tabysyn qalaı jasyrady

2020 jyldyń 1 shilde 2020 12:08

NUR-SULTAN. QazAqparat - Memlekettik kirister komıteti kóshpeli tekserýsiz farmatsevtıka qyzmetine taldaý júrgizdi, dep habarlaıdy QazAqparat.

Dári-dármek satýǵa QQS salynbaıtyndyqtan, dárilik zattar aınalymy óndirýshiden sońǵy tutynýshyǵa deıin taýardyń tarıhyn qadaǵalaýǵa múmkindik beretin taýarlardy baqylaý júıesine kirmeıdi. Sondyqtan taldaý belgili bir kezeńde dárihana qandaı paıda alǵanyn qadaǵalaýǵa bolatyn onlaın - BKM kórsetkishterine qurylǵan.

Jazdyń alǵashqy 2 aptasynda ǵana qazaqstandyq dárihanalar 10 mıllıard teńgeden astam tabys tapty. Alaıda barlyq kásipker naqty aınalymdy kórsetpedi.

«Respýblıka boıynsha dárihana qyzmet túrin kórsetetin barlyǵy 3 527 kásipker 7 674 onlaın-BKM tirkegen. Onlaın-BKM engizý salyq esebin kútpesten, aınalym somasyn ǵana emes, ótkizilgen taýar, jumys nemese qyzmet úshin esep aıyrysý kezinde ony qoldanbaıtyn kásipkerlerge de monıtorıng júrgizýge múmkindik beretinin atap ótý qajet. Mysaly, 868 dárihana ıeleri onlaın-BKM qoldanbaıtyny ańyqtaldy, bul rette olar óz qyzmetin toqtatqan joq. 239 dárihana belgili bir kúnderi chek shyǵarady, keı kúnderi onlaın-BKM paıdalanylmaıdy, ıaǵnı túsim - nól. Kúndizgi túsimi 5000 teńgeden kem bolatyn 99 dárihana bar. Kún saıyn bir túsimdi kórsetetin dárihanalar bar, mysaly, dál 700 nemese 1000 teńge. Nátıjesinde, 3 527 dárihananyń ishinen adal jáne zańǵa moıynsunatyn 60% nemese 2137 dárihana naqty aınalymyn kórsetti» dep málim etti komıtet.

Osyǵan baılanysty memlekettik kirister komıteti azamattardy taýar, jumys nemese qyzmetterdi satyp alý kezinde chek talap ete otyryp, azamattyq belsendilik tanytýǵa shaqyrady.

13 mamyrda komıtet jyl saıynǵy «Chek talap et — júlde utyp al» aktsııasyn bastady. Jiberilgen chek úshin aktsııaǵa qatysýshylar uıaly telefon teńgerimine aqshalaı qarajatty birden alý múmkindigine ıe, al chekti bermegen jaǵdaıda aktsııaǵa qatysýshylar tıisti shaǵymdy uıaly qosymsha arqyly jibere alady. Shaǵymdy rastaǵan jaǵdaıda kepildi aqshalaı qarajatty uıaly telefon teńgerimine ala alady.

Sonymen qatar, dárilik zattar úshin QQS-syz EShF engizý máselesi týyndaıdy. Bul aınalymdy da, baǵa belgileýdi de qadaǵalaýǵa múmkindik beredi.

Bul máseleni memlekettik kirister komıteti múddeli memlekettik organdarmen jáne bıznespen pysyqtaıtyn boldy.


Joǵary qaraı