Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy aýyl sharýashylyǵy tehnıkasyn óndirý kólemi  98,2% artty

2021 jyldyń 6 sáýir 2021 18:12

NUR-SULTAN. QazAqparat – QR Aýyl sharýashylyǵy mınıstrliginiń dereginshe, Qazaqstandaǵy aýyl sharýashylyǵy tehnıkasy parki 143 myń traktordan jáne 37,6 myń kombaınnan turady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

2019 jyly shamamen 3,4 myń traktor jáne 1,2 myń kombaın satyp alyndy. Byltyr shamamen 4,8 myń traktor jáne 1,2 myń kombaın alyndy.

Jalpy, otandyq zaýyttar 93 mlrd. teńgege 6272 aýyl sharýashylyǵy tehnıkasyn óndirdi. Jyldyq ósimi 98,2% qurap, quny jaǵynan shyǵarylym kólemi 2,5 esege artty.

Qazaqstanda Aqmola oblysyndaǵy «Agromash Holdıng KZ» jáne «Qostanaı traktor zaýyty» (Lovol jáne Kırovets), «KAIK» zaýyty («Belarýs» jáne RSM markalary) jáne ShQO-daǵy «SemAZ» («Belarýs» markasy) zaýyttary traktor shyǵarady.

Kombaındardy «AgromashHoldıng KZ» (ESSIL markasy), «KAIK» (Acros) jáne KazRost Engineering Ltd (Vector, Acros) kásiporyndary jınaıdy.


Joǵary qaraı