Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy áskerı avıatsııanyń jalǵyz áıel ushqyshy ekıpaj komandıri atandy

2021 jyldyń 1 tamyz 2021 21:31

NUR-SULTAN. QazAqparat - Aǵa leıtenant Ardana Botaı Sý-30SM kópfýnktsıonaldy joıǵyshynyń ekıpaj komandıri retinde alǵashqy jeke ushýyn oryndady, dep habarlaıdy QR QM baspasóz qyzmeti.

QR QK Áýe qorǵanysy kúshteriniń bas qolbasshysy avıatsııa general-leıtenanty Nurlan Ormanbetov derbes ushýǵa ruqsat beretin praktıkalyq emtıhandy qabyldady.

- Qazaqstan Respýblıkasy Qarýly Kúshteriniń tarıhynda Sý-30SM jaýyngerlik ushaǵynda ekıpaj komandıri retinde derbes ushýdy alǵash ret áıel adam oryndady. Onyń buǵan jaqsy daıyndalǵanyn, kók aspandy baǵyndyrýǵa degen umtylysyn, joıǵysh ushqysh retinde memleketimizdiń áýe shebin kúzetýdegi mindetterdi oryndap júrgenin atap ótken jón. Ol jaýyngerlik avıatsııadaǵy áıelderdiń erlermen teń dárejede kúrdeli mindetterdi oryndaı alatynyn dáleldedi, - dedi avıatsııa general-leıtenanty Nurlan Ormanbetov.


Qazaqstandaǵy áskerı avıatsııanyń jalǵyz áıel ushqyshy Qaraǵandy avıabazasynda qyzmet etedi. Birneshe aı boıy Ardana Taldyqorǵan qalasyndaǵy avıatsııa bazasynda arnaıy oqýdan ótti.


- Sý-30SM ushaǵymen jeke ushý men úshin kásibı turǵyda qalyptasýǵa jasaǵan úlken qadam. Aldaǵy maqsatym tehnıkany jaqsartý jáne jer ústindegi, áýedegi maqsattarǵa jáne toptyq ushýlarǵa jaýyngerlik qoldanýǵa ruqsat alý úshin ári qaraı daıarlyq baǵdarlamasyna mashyqtaný daǵdylaryn pysyqtaý, - dep Ardana Botaı bolashaqqa arnalǵan josparlarymen bólisti.


Atalǵan Sý-30SM – kópfýnktsıonaldy 4++ býyndy joıǵysh ushaq. Ol kez-kelgen aýa-raıy jaǵdaıynda, kúndiz-túni áreket etýge qabiletti. Áýe barlaýyn júrgizýge, áýede, jer ústinde jáne teńizde nysandardy joıýǵa arnalǵan.


Joǵary manevrli joıǵysh ushaqpen ushýǵa ruqsat alý úshin birneshe aı boıy teorııalyq bilim alyp, arnaıy Sý-30SM trenajerynda jattyǵady, shtýrman retinde ushady. Kóptegen synaqtar men emtıhandardy sátti tapsyrǵan soń ǵana, táýelsiz ushýǵa ruqsat alady.


Basty sózder: QR Qorǵanys mınıstrligi, Ásker,
Joǵary qaraı