Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstandaǵy apta ishindegi taǵaıyndaýlar

2021 jyldyń 24 qazan 2021 11:25

NUR-SULTAN. QazAqparat – Osy aptada eki mınıstrdiń jańa orynbasarlary jumysyna kirisip, Qazaqstannyń birqatar shet eldegi Elshileri Memleket basshysynyń Jarlyǵymen taǵaıyndaldy. Óńirlerde de taǵaıyndaýlar boldy. QazAqparat apta ishinde osy jáne ózge de taǵaıyndaýlarǵa sholý usynady.

Sonymen Memleket basshysynyń Jarlyqtarymen: Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi, Eýropa Odaǵynyń janyndaǵy jáne Soltústik Atlant Sharty uıymyndaǵy (NATO) Qazaqstan Respýblıkasy Ókildiginiń Basshysy Marǵulan Baqytuly Baımuhan Qazaqstan Respýblıkasynyń Lıýksembýrg Uly Gertsogtigindegi Tótenshe jáne Ókiletti Elshisi qyzmetin; Qazaqstan Respýblıkasynyń Avstrııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili Qaırat Ermekuly Omarov Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi qyzmetin; Qazaqstan Respýblıkasynyń Italııa Respýblıkasyndaǵy Tótenshe jáne Ókiletti Elshisi Erbolat Násenuly Sembaev Qazaqstan Respýblıkasynyń Malta Respýblıkasyndaǵy, San-Marıno Respýblıkasyndaǵy Tótenshe jáne Ókiletti Elshisi qyzmetin qosa atqarýshy qyzmetine taǵaıyndaldy.

Marǵulan Baqytuly Baımuhan 1974 jylǵy 6 qyrkúıekte Almaty oblysynda týǵan. Polshadaǵy Krakov Ekonomıkalyq Ýnıversıtetin támamdaǵan, syrtqy saýda mamandyǵy boıynsha magıstri (1997), halyqaralyq marketıng jáne menedjment mamandyǵy boıynsha magıstri (1998), PhD ǵylymı dárejesine kandıdat – ekonomıka salasyndaǵy fılosofııa doktory (2011), Ulybrıtanııanyń Hertfordshır Ýnıversıteti MscIM – Halyqaralyq basqarý (menedjment) magıstri (2016), Kanadanyń Vankýver Ýnıversıteti MVA – Іskerlik ákimshilik magıstri (2015). QR Prezıdenti janyndaǵy memlekettik basqarý Akademııasynyń (2005) jáne QR SІM Dıplomatııalyq Akademııasynyń (2006) kýrstaryn, Polıak halyqaralyq qatynastar Instıtýty Dıplomatııalyq Akademııasynyń bir jyldyq baǵdarlamasy (2010) bitirgen. Qazaqstan Respýblıkasynyń Syrtqy ister mınıstrligi Halyqaralyq ekonomıkalyq yntymaqtastyq departamentiniń attashesi, úshinshi hatshysy, Qazaqstan Respýblıkasynyń Polsha Respýblıkasyndaǵy Elshiliginiń attashe-konsýly, úshinshi jáne ekinshi hatshysy, Qazaqstan Respýblıkasynyń Syrtqy ister mınıstrligi TMD isteri departamentiniń Halyqaralyq uıymdar bóliminiń, Áskerı-saıası yntymaqtastyq bóliminiń keńesshisi, basshysy, Qazaqstan Respýblıkasynyń Polsha Respýblıkasyndaǵy Elshiliginiń Keńesshisi, Keńesshi-ýákili, Qazaqstan Respýblıkasynyń Syrtqy ister mınıstrligi Syrtqy saıası taldaý jáne boljaý komıteti tóraǵasynyń orynbasary, Qazaqstan Respýblıkasynyń Polsha Respýblıkasyndaǵy Tótenshe jáne Ókiletti Elshisi, Qazaqstan Syrtqy ister mınıstriniń orynbasary qyzmetin atqarǵan. Osy jyldyń sáýirinde Qazaqstan Respýblıkasynyń Belgııa Koroldigindegi Tótenshe jáne Ókiletti Elshisi laýazymyna, Eýropa Odaǵynyń janyndaǵy jáne Soltústik Atlant Sharty uıymyndaǵy (NATO) Qazaqstan Respýblıkasy Ókildiginiń Basshysy laýazymyna taǵaıyndalǵan edi. II synypty Tótenshe jáne Ókiletti Elshi dıplomatııalyq dárejesine ıe.

Qaırat Ermekuly Omarov 1963 jylǵy 12 qańtarda Fergana qalasynda týǵan (Ózbekstan). 1985 jyly Almaty pedagogıkalyq shet tilder ınstıtýtyn aǵylshyn jáne frantsýz tilderin muǵalimi mamandyǵy boıynsha bitirdi.

Eńbek jolyn 1987 jyly Almaty pedagogıkalyq shet tilder ınstıtýtynda oqytýshy retinde bastaǵan. Qazaqstan Ǵylym akademııasy Tarıh, etnografııa jáne arheologııa ınstıtýtynyń ǵylymı qyzmetkeri, QR Jazýshylar odaǵy janyndaǵy kórkem aýdarma jónindegi bas redkollegııanyń aǵylshyn tilinen aýdarmalarynyń bas redaktory bolǵan.

Dıplomatııalyq qyzmetin 1992 jyly QR SІM Pasport-vıza bóliminiń ekinshi hatshysy qyzmetinen bastady. Sodan keıin Eýropa jáne Amerıka elderi basqarmasynyń birinshi hatshysy, sondaı-aq Amerıka basqarmasy Eýropa jáne Amerıka bóliminiń meńgerýshisi boldy. 1994 jyly Qazaqstannyń AQSh-taǵy Elshiligine birinshi hatshy retinde jiberilip, onda keńesshige deıin kóterildi.

1996-1998 jyldary basqarma basshysy, keıin Eýropa departamenti dırektorynyń orynbasary boldy. 1998-2003 jyldary Qazaqstannyń AQSh-taǵy elshiligine keńesshi-ýákil retinde qaıta jiberildi. 2004 jyly QR SІM Erekshe tapsyrmalar jónindegi elshisi qyzmetin atqarǵan. 2004 jylǵy sáýir-tamyz aralyǵynda Prezıdent Ákimshiligi Syrtqy saıasat ortalyǵynyń bas ınspektory boldy.

2004-2009 jyldary Qazaqstannyń Úndistandaǵy jáne Shrı-Lankadaǵy qosa atqarýshy Elshisi boldy. 2009-2013 jyldary Syrtqy ister mınıstriniń orynbasary qyzmetin atqarǵan. 2013 jyldan 2017 jylǵa deıin - Qazaqstannyń AQSh-taǵy Elshisi. Qazaqstannyń Aýstrııadaǵy Elshisi bolyp taǵaıyndalǵanǵa deıin 2017 jyldan bastap Qazaqstannyń BUU janyndaǵy Turaqty ókili retinde jumys istedi. 2020 jyly Qazaqstannyń Avstrııadaǵy Tótenshe jáne Ókiletti Elshisi bolyp taǵaıyndaldy. Tótenshe jáne Ókiletti Elshi dıplomatııalyq dárejesine ıe. Aǵylshyn jáne frantsýz tilderin meńgergen.

Erbolat Násenuly Sembaev 1964 jyly Shyǵys Qazaqstan oblysynda dúnıege kelgen. Qazaq ulttyq tehnıkalyq ýnıversıtetin, Italıadaǵy Enrıko Matteı joǵary mekebin bitirgen. Qazaqstannyń Italıadaǵy Elshiliginiń birinshi hatshysy, keńesshisi, keńes-elshisi, QR Syrtqy ister mınıstrligi Kópjaqty yntymaqtastyq departamentiniń dırektory, QRSyrtqy ister mınıstrliginiń asa mańyzdy ister jónindegi elshisi, Qazaqstannyń Belgııadaǵy Elshiliginiń keńesshi-elshisi, qyzmetterin atqarǵan. Ótken jyly Qazaqstan Respýblıkasynyń Italııa Respýblıkasyndaǵy Tótenshe jáne Ókiletti Elshisi bolyp taǵaıyndalǵan. II synypty Tótenshe jáne Ókiletti Elshi dıplomatııalyq dárejesine ıe.

Qazaqstan Respýblıkasy Úkimetiniń Qaýlysymen Erjan Málikuly Erkinbaev QR Mádenıet jáne sport vıtse-mınıstri qyzmetine taǵaıyndaldy.

Erjan Erkinbaev 1982 jyly Jambyl oblysynyń Shý qalasynda dúnıege kelgen. Qazaq memlekettik zań akademııasyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn jáne Halyqaralyq bıznes akademııasyn támamdaǵan. Eńbek jolyn 2002 jyly jeke kompanııada zańger bolyp bastaǵan. Túrli jyldary jeke kompanııalarda jobalar jetekshisi, zańger bolyp jumys istegen. 2009-2013 jyldary — «Shymbulaq» taý shańǵysy kýrortynyń bas dırektory. 2013-2016 jyldary — «Medeý» sport kesheniniń bas dırektory. 2016-2019 jyldary — Almaty memlekettik zoologııalyq parkiniń dırektory. 2019 jylǵy qarashadan bastap qazirgi ýaqytqa deıin «Kazakh Tourism» Ulttyq kompanııasy» AQ basqarma tóraǵasy boldy.

QR Úkimetiniń qaýlysymen Rýslan Keńesaryuly Sákeev Qazaqstan Respýblıkasynyń eńbek jáne halyqty áleýmettik qorǵaý vıtse-mınıstri laýazymyna taǵaıyndalady.

Rýslan Sákeev 1978 jyly Soltústik Qazaqstan oblysynda dúnıege kelgen. Qazaq memlekettik zań ýnıversıtetin, Qaraǵandy «Bolashaq» ózekti bilim berý ınstıtýtyn bitirgen. Eńbek jolyn 1999 jyly Qazaq gýmanıtarlyq zań ýnıversıteti fılıalynyń oqytýshysy bolyp bastaǵan. 1999-2003 jyldary Qazaq gýmanıtarlyq zań ýnıversıtetinde túrli qyzmetter atqardy. 2003 jyly Parlament Senaty depýtatynyń kómekshisi boldy. 2003-2005 jyldary Qaraǵandy oblysynyń Іshki saıasat departamentinde túrli laýazymdardy atqardy. 2005-2006 jyldary — Qaraǵandy oblysy ákimi apparatynyń áleýmettik baǵdarlamalar men adamı faktorlardy taldaý jáne monıtorıng bóliminiń meńgerýshisi. 2006-2007 jyldary — QR ÁM Din isteri komıtetiniń saraptama jáne tirkeý basqarmasy basshysynyń orynbasary. Ár jyldary jeke sektorda jumys istegen. 2014-2015 jyldary — QR BǴM «Tehnıkalyq jáne kásiptik bilim berýdi jańǵyrtý» jobasyn basqarý toby jobasynyń jetekshisi. 2017-2019 jyldary — Mańǵystaý oblysy ákiminiń keńesshisi; ákim orynbasary. 2019 jylǵy qazannan bastap qazirgi ýaqytqa deıin — «Konfessııaaralyq jáne órkenıetaralyq dıalogty damytý jónindegi N. Nazarbaev ortalyǵy» KEAQ basqarma tóraǵasynyń orynbasary. 2020 jylǵy naýryzdan bastap qazirgi ýaqytqa deıin QR Tuńǵysh Prezıdenti – Elbasy N. Nazarbaevtyń bastamasymen qurylǵan «BIRGEMIZ» QQ basqarma tóraǵasy boldy.

Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetine Rasýl Nurlanuly Rahımov taǵaıyndaldy,

R.Nurlanuly «Bolashaq» stıpendııasynyń túlegi. Elimizde memlekettik organdarda qyzmet etip, ózin bilikti maman retinde tanyta bilgen.

Nurlan Esenǵalıev Batys Qazaqstan oblystyq qarjy basqarmasynyń basshysy bolyp taǵaıyndaldy.

Nurlan Muhıtuly 1982 jyly dúnıege kelgen. Bilimi joǵary. Batys Qazaqstan memlekettik ýnıversıtetin ekonomıst-matematık mamandyǵy boıynsha bitirgen. Ár jyldary Oral qalasy qarjy bólimi materıaldyq óndiris salalary jáne turǵyn úı kommýnaldyq sharýashylyq bóliminiń bas maman-ekonomısi, jekeshelendirý jáne kommýnaldyq menshikti jalǵa berý bóliminiń bas mamany, Oral qalasy ákimi apparaty qujattamalyq qamtamasyz etý jáne qarjylyq-sharýashylyq jumysy bóliminiń bas mamany, BQO qarjy basqarmasy kommýnaldyq menshikti basqarý jáne múlikti jaldaý bóliminiń bas mamany, Oral qalasy qarjy bólimi kommýnaldyq menshikti basqarý sektorynyń meńgerýshisi, Bórli aýdany qarjy bóliminiń basshysy, BQO ákimi apparaty taldaý jáne baqylaý bóliminiń basshysy qyzmetterin atqardy. 2018 jyldan osy kezge deıin BQO qarjy basqarmasy basshysynyń orynbasary boldy.

Aıagóz aýdandyq saılaý komıssııasynyń qaýlysymen Aıagóz qalasynyń ákimi bolyp Medet Myrzykeshov saılandy.

Medet Nyǵmetollauly 1988 jyly Semeı oblysy Aıagóz aýdany Shynqoja aýylynda dúnıege kelgen. Eki joǵary bilimi bar: 2008-2011 jyldary Semeı qalasy Shákárim atyndaǵy SMÝ ýnıversıtetin bitirgen. 2015 jyly Qaraǵandy ekonomıkalyq ýnıversıtetiniń quqyqtaný mamandyǵyn támamdaǵan. 2008-2012 jyldary Aıagóz qalasyndaǵy 10810 áskerı bólimine kelisim-shart boıynsha jumys istegen. 2012-2013 jyldary «Taskara» áskerılendirilgen taý-ken qutqarý jasaǵynda, 2013-2014 jyldary Sýzdal jedel vzvodynda qutqarýshy boldy. 2014-2016 jyldary Aıagóz aýdanynyń ishki saıasat bóliminiń bas mamany, 2016-2020 jyldary atalǵan bólimniń basshysy bolyp qyzmet etti. 2020 jyldyń mamyr aıynan bastap osy ýaqytqa deıin Aıagóz aýdany ákiminiń orynbasary bolyp eńbek etken.


Avtor Marlan Jıembaı
Basty sózder: Taǵaıyndaý, Qoǵam,
Joǵary qaraı