Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstandaǵy altyn qorynyń 36% ShQO-da shoǵyrlanǵan

2022 jyldyń 19 mamyr 2022 11:10

NUR-SULTAN. QazAqparat – Eldegi altyn qorynyń 36%-y ShQO-da shoǵyrlanǵan.

QR Ekologııa, geologııa jáne tabıǵı resýrstar mınıstrligi Geologııa komıtetiniń tóraǵasy Talǵat Satıev ortalyq kommýnıkatsııalar qyzmetinde ótip jatqan brıfıngide osyndaı málimet keltirdi, dep habarlaıdy QazAqparat tilshisi.

«Jalpy paıdaly qazbalar qoryn esepke alý 103 komponent boıynsha júrgiziledi. Onyń ishinde kómirsýtekti shıkizat boıynsha - 7, qatty paıdaly qazbalar boıynsha - 61, keń taralǵan paıdaly qazbalar boıynsha - 32, jerasty sýlary boıynsha - 3 komponent barlanǵan», - degen Talǵat Satıev Qazaqstan úshin qatty paıdaly qazbalardyń ishinde altyn, mys, qorǵasyn, myrysh komponentteriniń orny erekshe ekenin atady.

«Altyn ken oryndarynyń negizgi qory Shyǵys Qazaqstan oblysynda shoǵyrlanǵan – 36%. Aqmola oblysynda - 21%, Qaraǵandy oblysynda – 11% altyn qory shoǵyrlanǵan. Al mys qorynyń 82%-y eldiń shyǵys jáne ortalyq óńirlerinde shoǵyrlanǵan. Qorǵasyn-myrysh ken oryndarynyń 41%-y ortalyq Qazaqstanda, 33%-y shyǵys Qazaqstanda jáne 21%-y ońtústik Qazaqstanda shoǵyrlanǵan», - dedi komıtet tóraǵasy.

Buǵan deıin jazǵanymyzdaı, Qazaqstanda geologııalyq málimet jınaqtalǵan aqparattyq júıe qurylady.



Joǵary qaraı