Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jyl basynan beri zańsyz aǵash kesý boıynsha 7 qylmystyq is qozǵalǵan

2021 jyldyń 15 maýsym 2021 14:10

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaev zańsyz aǵash kesýshilerge qarsy kúresip jóninde baıandady, dep habarlaıdy QazAqparat tilshisi.

«Jyl basynan osy ýaqytqa deıin elimiz boıynsha 8192 reıdtik shara ótkizilgen. Sonyń arqasynda 57 zańsyz aǵash kesý oqıǵasy tirkeldi. Keltirilgen shyǵynnyń kólemi – 15,3 mln teńge. Onyń 4 mln teńgeden astamy óndirip alyndy. Jalpy 57 oqıǵanyń 30-y quqyq qorǵaý organdaryna joldandy. Sotqa jiberilgeni – 22. 7 qylmystyq is qozǵalǵan. Zańsyz aǵash kesý kezinde keltirilgen shyǵynnyń jalpy somasy 100 AEK-ten assa, qylmystyq is qozǵalady. 100 AEK-ke deıingi shyǵyndar sotta qaralady», - dedi komıtet basshysy.

Sondaı-aq, ol órtengen orman alqaptaryn qalpyna keltirýdiń tártibin túsindirdi.

«Órtengen orman alqaptarynyń orny ekinshi jyly túgeldeı tazartylady. Osydan keıin ǵana alqapty jańartý jumystary bastalady. ıAǵnı, jańa tal egý bastalady. Bul jerde Qazaqstannyń orman qoryn quraıtyn aǵashtar egiletinin aıtý kerek», - dedi komıtet tóraǵasynyń mindetin atqarýshy.

Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaevtyń aıtýynsha, vıtse-mınıstr aıtyp otyrǵan joba 2030 jylǵa deıin iske asyrylady.

«Araldyń qańsyǵan tabanynda sekseýil egý 1980 jyldan bastap júrgizilip keledi. Búginge deıin ondaǵy ormandy alqaptyń jalpy kólemi 337 myń gektardan asty. Kóktemde arnaıy ekspedıtsııa uıymdastyryldy. Ekspedıtsııa músheleri qańsyǵan alqaptardyń birazy aralap ótti. Qazirgi ýaqytta izdestirý jumystary júrgizilip jatyr. Ormanǵa jaramdy jerlerdiń bári izdestirý jumystarynan keıin anyqtalady. 2030 jylǵa deıin 1 mln gektardan astam jerge sekseýil egý josparlanǵan», - dedi ol.


Joǵary qaraı