Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jyl basynan beri 109 bala sýǵa ketken

2021 jyldyń 29 shilde 2021 14:00

NUR-SULTAN. QazAqparat – Jyl basynan beri 312 adamnyń ajaly sýdan kelgen. Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqov ortalyq kommýnıkatsııalar qyzmetinde osyndaı qaıǵyly statıstıka keltirdi, habarlaıdy QazAqparat tilshisi.

TJM ókiliniń aıtýynsha, bıyl sý aıdyndarynda 214 adam, onyń ishinde 43 bala qutqarylǵan. Sol qutqarylǵandardyń ishinde 41 adam belgilenbegen oryndarda shomylý kezinde qaýipke tap bolǵan.

«27 shildedegi jaǵdaı boıynsha bıyl sý aıdyndarynda 312 adam ólimi tirkeldi. Onyń ishinde –109 bala. 2020 jyldyń osy kezeńinde sýǵa ketkenderdiń sany 296, onyń 83-i bala bolǵan edi. Demek, jyl basynan beri adam ólimi 5% ósti. Al bala ólimi tipti 31% jıilegen», - dedi Baýyrjan Syzdyqov.

Onyń aıtýynsha, atalǵan 312 qaıǵyly oqıǵanyń 233-i shomylý maýsymy bastalǵannan beri tirkelgen. Onyń ishinde 70 bala sýǵa batqan.

«Shomylý maýsymynda adamdardyń qaza bolýy 2020 jyldyń uqsas kezeńimen salystyrǵanda 18% ulǵaıdy, balalardyń qaza bolýy 21% artty», - dedi Azamattyq qorǵanys jáne áskerı bólimder komıtetiniń tóraǵasy.


Joǵary qaraı