Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda júrgizýshi kýáligin kórsetý mindetti bolmaıdy - Senat

2021 jyldyń 21 qańtar 2021 11:19

NUR-SULTAN. QazAqparat – Búgin Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrý engizý týraly» Zańy eki oqylymda qaralyp, qabyldandy, dep habarlaıdy QazAqparat tilshisi.

Zańynyń jobasy birqatar Parlament depýtattarynyń bastamashylyǵymen ázirlendi. Qujat Memleket basshysynyń Ulttyq qoǵamdyq senim keńesiniń otyrysynda bergen tapsyrmasyn iske asyrýǵa jáne jol júrisi salasyndaǵy zańnamany jetildirip, azamattardyń, qoǵam men memlekettiń quqyqtaryn jáne múddelerin qorǵaýǵa, jol-kólik quraldarynyń tıimdi ári qaýipsiz qyzmetin qamtamasyz etýge baǵyttalǵan.

«Zań jobasynda Qazaqstan Respýblıkasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normany qoldanystaǵy zańnamadan alyp tastaý kózdelip otyr. ıAǵnı avtokólik ıesin polıtsııa toqtatqan kezde, ol jeke kýáligin usynyp, sol jeke kýálikpen polıtsııa qyzmetkeri planshet arqyly elektrondyq bazada onyń qajetti qujattary boıynsha tekserý júrgize alady», - dedi Senat depýtaty Nurlan Beknazarov.

Sonymen qatar, ákimshilik quqyq buzýshylyq týraly kodeksten, Qazaqstan Respýblıkasynda berilgen júrgizýshi kýáligi men kólik quralyn tirkeý týraly kýálikti ózimen birge alyp júrýdi talap etetin normalardyń saqtalmaǵany úshin ákimshilik jaýapkershilikti alyp tastaý usynyldy.

«Zań jobasyndaǵy ózgerister men tolyqtyrýlar sheteldik júrgizýshiler men sheteldik kólik quraldaryna qoldanylmaıdy, ıaǵnı olar ózimen birge barlyq qajetti qujattardy alyp júrýge mindetti», - dep naqtylady senator.

Eki oqylymda bolǵan talqylaýdan keıin depýtattar Zańdy qabyldady.

Senat tóraǵasy Máýlen Áshimbaev qabyldanǵan zań Memleket basshysynyń Ulttyq qoǵamdyq senim keńesiniń jumysynda jasaǵan usynystary aıasynda ázirlengenin eske saldy.

«Soǵan sáıkes, endi kólik júrgizgende júrgizýshi kýáligin jáne kóliktiń tehnıkalyq pasportyn birge alyp júrý mindeti alynyp tastalady. Bul tsıfrlandyrý jumystarynyń naqty nátıjesi ekeni sózsiz», – dedi M. Áshimbaev.


Joǵary qaraı