Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda jumys istegisi kelmeıtin 63 myń adam bar

2022 jyldyń 15 mamyr 2022 14:34

NUR-SULTAN. QazAqparat - Jumyssyz júrse de ony izdemegen nemese jumysqa kirisýge daıyn bolmaǵan potentsıaldy jumys kúshi sany 63,1 myńdy qurady. Bul týraly QazAqparat Ulttyq statıstıka bıýrosyna silteme jasap habarlaıdy.

2022 jyly I toqsanda Qazaqstan ekonomıkasynyń ártúrli salalarynda 8,8 mln adam jumyspen qamtyldy. Olardyń 6,7 mln-y (jumyspen qamtylǵandardyń jalpy sanynan 76,1%) jaldamaly qyzmetker bolsa, 2,1 mln adam (jumyspen qamtylǵandardyń jalpy sanynan 23,9%) ózin-ózi jumyspen qamtýshylar.

Jalpy jumyspen qamtý 2021 jylǵy I toqsanmen salystyrǵanda 35,1 myń adamǵa, sonyń ishinde jaldamaly qyzmetkerler esebinen 30,8 myń adamǵa ósti.

Tolyq jumyspen qamtylmaǵandar sany 254 myń adamdy qurady. Qyzmetkerlerdiń bul sanatyna jumys kóleminiń tómendeýine, jumys berýshiniń bastamasy boıynsha, syrǵymaly jumys kestesine jáne basqa da sebeptermen az jumys istegender kiredi.

Jumyssyzdar sany (HEU ádistemesi boıynsha) –453,1 myń adam. Jumyssyzdyq deńgeıi ózgerissiz qaldy – 4,9%. Jumyssyz júrse de ony izdemegen nemese jumysqa kirisýge daıyn bolmaǵan adamdar (potentsıaldy jumys kúshi) sany 63,1 myńdy qurady.

15-28 jastaǵylar arasyndaǵy jumyssyzdyq deńgeıi 3,9%, NEET jastarynyń jumyssyzdyǵy, ıaǵnı bilim alýmen nemese kásibı daıarlyqpen aınalyspaıtyn jastardyń úlesi – 6,7%.

Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2022 jylǵy sáýir aıynyń sońyna 193 myń jumyssyz resmı tirkelgen. Olar jumys kúshiniń 2,1%-yn qurady.


Basty sózder: Statıstıka, Jumyspen qamtý,
Joǵary qaraı