Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda JRVI men tumaýǵa qarsy qandaı vaktsınalar bar

2021 jyldyń 20 qyrkúıek 2021 15:32

NUR-SULTAN. QazAqparat - Sanıtarııalyq-epıdemıologııalyq baqylaý komıteti JRVI jáne tumaý maýsymy bastalatyndyǵy týraly habarlaıdy.

Bul týraly sanıtarııalyq - epıdemıologııalyq baqylaý komıtetiniń Telegram kanalyna silteme jasap.

DSU málimetteri boıynsha, bıyl vırýstyń úsh shtamy ózekti bolady - A( H1N1), A (H3N2) jáne B. Eldegi koronavırýspen baılanysty jaǵdaı áli de bolsa kúrdeli, kúzgi kezeńde aǵzany ózge de respıratorlyq ınfektsııalardan qorǵaý qajet. Aıta ketý kerek, Úkimet shtamdyq boljamdy eskere otyryp, azamattardy maýsymdyq vırýstardan qorǵaý úshin aldyn-ala tumaýǵa qarsy vaktsınalarmen qamtamasyz etýde.

Tumaýǵa qarsy vaktsınatsııa 15 qyrkúıekte bastaldy. Memleket Reseıde óndirilgen «GRIPPOL +» preparatynyń 2,5 mln. dozasyn satyp aldy. Tegin vaktsınatsııa aıasynda halyqtyń eń osal toptary - medıtsına qyzmetkerleri, balalar, dıspanserlik esepte turǵan patsıentter, balalar úıleriniń, ınternattardyń, sábıler úıleriniń tárbıelenýshileri jáne epıdemıologııalyq kórsetkishter boıynsha vaktsınatsııalaýǵa jatatyn azamattar osy preparatpen egiledi.

«GRIPPOL +» preparatynan basqa Qazaqstanda tumaýǵa qarsy kelesideı vaktsınalar tirkelip, qoldanýǵa ruqsat etilgen: Sanofı-Paster (Frantsııa) óndirgen «Vaksıgrıp Tetra», Inflıývak (Nıderlandy), Sınovak Bıotek (Qytaı) óndirgen tumaýǵa qarsy vaktsına.

Immýndaý tek aqysyz negizde ǵana emes, jumys berýshilerdiń, sondaı-aq halyqtyń qarajaty esebinen de aqyly túrde júrgiziletin bolady. Tumaýǵa qarsy aqyly vaktsınatsııa jeke medıtsınalyq ortalyqtarda, turǵylyqty jeri boıynsha ýákiletti organnyń ruqsaty bar emhanalardyń egý kabınetterinde júrgiziledi.

Tumaýǵa qarsy vaktsınatsııa júrgizetin medıtsınalyq mekemelerdiń meken-jaılaryn turǵylyqty jeri boıynsha aýmaqtyq sanıtarııalyq-epıdemıologııalyq baqylaý departamentterinen jáne densaýlyq saqtaý basqarmalarynan bilýge bolady.


Joǵary qaraı