Aýa raıy
Astana -5 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda joǵalyp bara jatqan 129 mamandyq anyqtaldy

2020 jyldyń 3 jeltoqsan 2020 14:52

NUR-SULTAN. QazAqparat – Jańa kásipter atlasy jańa 239, transformatsııalanatyn 95 jáne joǵalyp bara jatqan 129 mamandyqty anyqtady. Bul týraly QazAqparat Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap habarlaıdy.

Eńbek jáne halyqty áleýmettik qorǵaý mınıstrligi jańa kásipter men quzyretterdiń atlasy ekonomıkanyń negizgi 9 salasyn qamtıtynyn, jańa, transformatsııalanatyn, sondaı-aq joıylyp bara jatqan kásipter men quzyretterdi biriktiretinin habarlaıdy. Bul azamattarǵa mamandyqty durys tańdaýǵa, oqý josparlaryn ózektendirýde kásibı baǵdar berýge kómektesedi. Eńbek naryǵynda suranysqa ıe «jańa kásipter men quzyretterdiń atlasy» jobasyn iske asyrý úshin byltyr Eńbek jáne halyqty áleýmettik qorǵaý mınıstrligi, QR Bilim jáne ǵylym mınıstrligi jáne «Eýrazııalyq top» JShS arasynda ózara yntymaqtastyq týraly memorandým jasalǵan. Atlastyń negizgi maqsaty – qazirgi mamandyqtardy taldaý, ózgerip jáne joıylyp bara jatqan mamandyqtardy eskere otyryp, ózekti bolatyn nemese taıaýdaǵy onjyldyqta paıda bolatyn eńbek naryǵynyń bolashaq trendterin, mamandyqtar men daǵdylardy aıqyndaý.

«Eńbek mınıstrligi Dúnıejúzilik banktiń «Eńbek daǵdylaryn damytý jáne jumys oryndaryn yntalandyrý» jobasy sheńberinde 8 salany (munaı-gaz, aýyl sharýashylyǵy, kólik jáne logıstıka, mashına jasaý, aqparattyq-kommýnıkatsııalyq tehnologııalar, energetıka, týrızm, qurylys salalary) qamtydy. Al taý-ken-metallýrgııa salasyn zertteýdi «Eýrazııalyq Top» JShS óz betinshe júzege asyrdy. Atlasty ázirleý ádistemesi halyqaralyq tájirıbege jáne ekonomıka salalaryn damytýdyń álemdik trendterine negizdelgen. Ol salalyq sarapshylar retinde óndiris, memlekettik organdar, salalyq qaýymdastyqtar ókilderiniń qatysýymen rapıd forsaıt (rapid foresight) tehnologııasy boıynsha pándik tereń zerdeleýmen boljamdy sessııalar ótkizýdi qamtydy», - delingen mınıstrliktiń habarlamasynda.

Aýqymdy zertteýlerdiń qorytyndysy boıynsha jańa 239, transformatsııalanatyn 95 jáne joǵalyp bara jatqan 129 mamandyq anyqtalǵan. Atlasta aıqyndalǵan jańa mamandyqtar bolashaqta jańa tehnologııalardyń engizilýine sáıkes qandaı quzyretter men qyzmetkerler suranysqa ıe bolatynyn túsinýge múmkindik beredi.

Atlastyń nátıjesin yńǵaıly paıdalaný úshin «Elektrondyq eńbek bırjasy» portalynyń ınteraktıvti ishki modýlinde elektrondyq silteme, sondaı-aq IOS jáne ANDROID platformalaryna arnalǵan Atlastyń mobıldi qosymshasy ázirlengen.


Joǵary qaraı