Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda jastar úshin joǵary jalaqysy bar bos jumys oryndary anyqtaldy

2022 jyldyń 18 sáýir 2022 14:50

NUR-SULTAN. QazAqparat – HeadHunter Qazaqstan kompanııasy eńbek tájirıbesi joq jastar úshin eń joǵary jalaqysy bar bos jumys oryndaryn anyqtady, dep habarlaıdy QazAqparat.

Jastarǵa jumys usynýǵa daıyn keń taraǵan sala satý bólimine qatysty boldy. Osy oraıda kóbine satý jónindegi menedjerler men rıetorlar kezdesedi. Bul qyzmetterde árbir satylymnan bonýs tóleý usynylady, sondyqtan jalaqy somasynda eleýli aıyrmashylyq bar, ıaǵnı 70 myń teńgeden 1 mln teńgege deıin.

Sonymen qatar, týrızm, qonaq úı, meıramhana salasynda da usynys barshylyq. Bul rette daıashy, barmen, aspazshy, hostes pen týragentter keńinen taraǵan. Osy salada jalaqy 60 myńnan 300 myń teńgege deıin barady.

«Ákimshilik personal» salasy bos jumys oryndar boıynsha úshinshi orynda. Osy baǵytta keńseni basqarýshylar, resepshıonıster, hatshylar men jeke assıstentterge qatysty usynys bar. Olardyń jalaqylary 70-ten 250 myń teńgege deıingi deńgeıde.

Bos oryndar sany boıynsha tórtinshi orynda aqparattyq tehnologııalar, ınternet, mýltımedıa salasy tur. Qyzmetin endi bastaǵan maman 450 myń teńgege deıin jalaqy alýy múmkin. Osy oraıda baǵdarlamashy mamandar, júıe ákimshisi men Helpdesk mamandar erekshe suranysqa ıe.

Osy zertteýdegi bestikke marketıng, jarnama, PR baǵyty kirip otyr. Jas mamandar úshin SMM-menedjer, event-menedjer men dızaıner sııaqty bos oryndar bar. Bul saladaǵy jalaqy 80-nen 500 myń teńgege deıin usynylǵan.


Avtor Rýslan Ǵabbasov
Basty sózder: Qoǵam, jalaqy, Jastar,
Joǵary qaraı