Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda jasandy dızel tapshylyǵy máselesi tekserilmek

2021 jyldyń 12 qazan 2021 17:29

NUR-SULTAN. QazAqparat – Elimizde dızel tapshylyǵyn qoldan jasaý múmkindigi tekserilmek. Bul týraly QR Energetıka vıtse-mınıstri Áset Maǵaýov málim etti, dep habarlaıdy QazAqparat tilshisi.

«Qolda bar dızel qoryna jedel monıtorıng júrgizý úshin biz elimizdiń barlyq munaı bazalaryn avtomatty túrde ólsheý quralymen jabdyqtaý máselesin kóterdik. Bul elimizdegi janar-jaǵarmaı qory deńgeıin anyqtaý men qadaǵalaýǵa múmkindik beredi. Sondaı-aq, Qarjy mınıstrligi, Qarjylyq monıtorıng jáne Básekelestikti qorǵaý jáne damytý agenttikterimen birlesip iri munaı bazalarynda dızel otynyna degen tapshylyqty qoldan jasaý jáne shekteý máselesin tekserý jaǵy pysyqtalyp jatyr», - dedi Áset Maǵaýov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, el kóleminde osy aıda 300 myń tonnadan astam dızel óndiriledi.

«Mınıstrlik tarapynan qabyldanǵan sharalardy eskere otyryp, qazan aıynda 330 myń tonna kóleminde dızel otynyn óndirý josparlanyp otyr. Qazannyń 1 onkúndiginde 130 myń tonna dızel óndirildi. Odan bólek 80-100 myń tonna kólemindegi dızeldi syrttan ákelý mindeti tur. Sol arqyly ishki naryq suranysyn qamtamasyz etpekpiz», - deıdi ol.

Buǵan deıin Áset Maǵaýov eldegi dızel tapshylyǵy máselesi qalaı sheshilip jatqanyn aıtyp berdi.

Odan bólek, mınıstr orynbasary ishki naryqty benzınmen qamtýǵa qatysty túsinikteme berip ótti.



Joǵary qaraı