Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda janýarlardyń asa qaýipti aýrýlar tizbesine 68 aýrý men ınfektsııa engizildi

2022 jyldyń 18 mamyr 2022 10:45

NUR-SULTAN. QazAqparat - Qazaqstanda janýarlardyń asa qaýipti aýrýlarynyń tizbesine 68 aýrý men ınfektsııa túri engizildi, dep habarlaıdy QazAqparat QR Aýyl sharýashylyǵy mınıstrliginiń baspasóz qyzmetine silteme jasap.

Tizimge engizilgen aýrýlardyń ishinde janýarlardyń 45 aýrýy boıynsha qolaıly epızootııalyq jaǵdaı baıqalady, 23 aýrý boıynsha arnaıy veterınarııalyq is-sharalar júrgizilip jatyr.

«Halyqaralyq epızootııalyq bıýro janýarlardyń asa qaýipti aýrýlarynyń tizimine 88 túrli aýrý men ınfektsııany engizdi. Janýarlardyń asa qaýipti aýrýlaryna qarsy veterınarııalyq is-sharalar (profılaktıka, dıagnostıka, joıý) bıýdjet qarajaty esebinen júzege asyrylatyn janýarlardyń asa qaýipti aýrýlarynyń tizbesine engizilgen aýrýlar boıynsha júrgiziledi. Respýblıkada mundaı profılaktıkalyq is-sharalar janýarlardyń 23 aýrýy boıynsha júrgiziledi, bul vaktsınatsııa jáne dıagnostıka»,-delingen habarlamada.

Sondaı-aq onda 2022 jylǵa asa qaýipti aýrýlarǵa janýarlardy vaktsınalaý boıynsha veterınarııalyq-profılaktıkalyq is-sharalar josparyna sáıkes 160,5 mln manıpýlıatsııa, dıagnostıka boıynsha 34,1 mln zertteý josparlanǵan.

2022 jyldyń basynan beri respýblıka aýmaǵynda 177 qolaısyz pýnkt tirkeldi. Onyń ishinde asa qaýipti juqpaly aýrýlar boıynsha 91 pýnkt (onyń ishinde 51-i joıyldy, 40-y jumys isteıdi), sondaı-aq brýtsellez boıynsha 86 pýnkt (onyń ishinde 20-y joıyldy, 66-sy jumys istep tur).

«Ol úshin jospardan tys, májbúrli 58 516 bas iri qara, 4707 bas usaq mal, 2388 bas jylqy jáne 633 et qorekti janýarlarǵa vaktsınatsııa júrgizildi, sondaı-aq 1,0 mln. sharshy metrden astam dezınfektsııalyq quraldar bólindi».- dep málim etti QR AShM baspasóz qyzmeti.


Basty sózder: Aýyl sharýashylyǵy, QR AShM,
Joǵary qaraı