Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda zeınetaqy men járdemaqyny taǵaıyndaý tsıfrlandyrylady

2021 jyldyń 26 aqpan 2021 12:19

NUR-SULTAN. QazAqparat - 2020 jyldyń qorytyndysy boıynsha Eńbek jáne halyqty áleýmettik qorǵaý mınıstrligi áleýmettik-eńbek salasyndaǵy qyzmetterdiń 91 paıyzyn tsıfrlandyrdy. Bul týraly atalǵan vedomstvonyń basshysy Serik Shápkenov málim etti, dep habarlaıdy QazAqparat tilshisi.

Mınıstr 2020 jyldyń sońyna qaraı Eńbekmıni áleýmettik-eńbek salasyn tsıfrlandyrý boıynsha eleýli nátıjege qol jetkizgenin atap ótti.

«Biz qyzmetterdi 91 paıyzǵaa tsıfrlandyrdyq, 44 qyzmettiń 40-y elektrondyq, onyń 18-i proaktıvti túrde usynylady. 2020 jyldyń qorytyndysy boıynsha 12,4 mln qyzmet kórsetildi, sonyń 7,8 mıllıony elektrondyq qyzmetke jatady. Memleket basshysynyń tapsyrmasyna sáıkes, 2021 jyly zeınetaqy men járdemaqy taǵaıyndaý protsesteri tsıfrlandyrylatyn bolady «, - dedi mınıstr.

Sonymen qatar, ol Eńbekmıni Áleýmettik qyzmetter portalyn damytýdy jalǵastyratynyn atap ótti. Osylaısha, kórsetiletin qyzmetterdiń sapasyn arttyrýǵa jáne sybaılas jemqorlyq táýekelderin azaıtýǵa múmkindik týady. Portalda tehnıkalyq quraldar men ońaltý qyzmetteriniń tizimi birtindep keńeıip keledi, taýarlar men arnaıy áleýmettik qyzmetterdi jetkizýshiler sany ósip otyr, 2023 jyldan bastap ınvataksı qyzmeti resýrsqa kóshedi.

«Sonymen qatar, biz Tsıfrlyq otbasy kartasyn qurýmen aınalysýdamyz. Joba ómirlik qıyn jaǵdaıdaǵy otbasylardy avtomatty túrde anyqtaýǵa baǵyttalǵan jáne bul azamattarǵa ártúrli memlekettik organdardyń quzyretine kiretin áleýmettik qoldaýdyń belsendi keshendi sharalaryn usynýǵa múmkindik beredi. Tsıfrlyq áleýmettik karta otbasynyń ál-aýqatynyń deńgeıin boljaýǵa qabiletti. Osylaısha, júıe oǵan engizilgen algorıtmniń arqasynda azamattardyń kómekke júginýin kútpesten, ómir súrý sapasyn jaqsartýǵa jáne azamattardyń áleýmettik osal sanattaryna qatysty alalaýdy boldyrmaýǵa kómektesedi», – dep túsindirdi Serik Shápkenov.

Budan basqa, vedomstvoElektrondyq eńbek bırjasy portalyn jetildirý boıynsha júıeli jumys júrgizip jatyr. Resýrsta jumyspen qamtý ortalyqtarynyń qyzmetterin kórsetetin jańa servıster iske qosyldy. Oblys ortalyqtarynyń, oblystyq, respýblıkalyq mańyzy bar qalalardyń jáne elordanyń turǵyndary úshin jumys izdeýshilerdi jáne jumyssyzdardy tirkeý, memleket sýbsıdııalaıtyn jumys oryndaryna jiberý (áleýmettik jumys oryndary, qoǵamdyq jumystar, jastar praktıkasy), erikti qonys aýdarýǵa kómektesý sııaqty qyzmetterdi qashyqtan usynýǵa jaǵdaı jasalady.

2020 jyldyń qarashasynan bastap, 14,5 myńnan astam adam qashyqtyqtan qyzmet alý múmkindigin paıdalandy. 11,7 myń azamat jumyssyz mártebesin alyp, 3,4 myń adam memleket sýbsıdııalaıtyn jumys oryndaryna jiberildi.

1,6 myńnan astam jumyssyz adam jumysynan aıyrylýy boıynsha áleýmettik tólemder alýǵa ótinish jiberdi, olardyń 80%-yn Memlekettik áleýmettik saqtandyrý qory maquldady.

2020 jyly portal arqyly 629 myńnan astam adam jumyspen qamtyldy, onyń 66 paıyzy turaqty jumysqa ornalastyryldy.


Joǵary qaraı