Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda vaktsına jasap shyǵarý jolǵa qoıylǵan joq – Alekseı Tsoı

2020 jyldyń 27 qarasha 2020 19:04

NUR-SULTAN. QazAqparat – Qazaqstanda koronavırýsqa nemese basqa da aýrýlarǵa qarsy vaktsınany jasaý óndirý isi áli jolǵa qoıylǵan joq. Ortalyq kommýnıkatsııalar qyzmetinde ótken baspasóz máslıhatynda Densaýlyq saqtaý mınıstri Alekseı Tsoı osylaı dedi, dep habarlaıdy QazAqparat tilshisi.

«Vaktsına synaqtyń 1-2 satysynan ótken kezde saý eriktiler tańdalyp alynady. Olar - 18 jastan 60 jasqa deıin azamattar. Zertteýler osy toptaǵy azamattar arqyly júrgiziledi. Keıinirek testileýdiń úshinshi satysynda aıǵaqtar artyp, tester keńirek toptarǵa jasala bastaıdy», - dedi Alekseı Tsoı jýrnalısterdiń suraqtaryna jaýap bere otyryp.

Ol sondaı-aq, kez-kelgen memleket tehnologııalar, bilim transferti bólise bermeıtinin, eń bastysy, osyndaı múmkindikterdi iske qosýǵa daıyn emes atap ótti.

«Bizdiń elde kópfýnktsıonaldy zaýyttardy iske qosýdy josparlap otyrmyz. Koronavırýsqa ǵana qarsy emes, basqa vaktsınalardy da óndirý múmkindigine ıe bolýymyz kerek. Bizde mundaı óndiris áli joq», - dedi mınıstr.

Eske sala ketsek, Qazaqstandyq vaktsına zaýyty salynyp jatyr. Sonymen qatar, Alekseı Tsoı «Qazaqstanda jeltoqsan nemese qańtar aılarynda qatań karantın sharalary engizilýi múmkin be» degen suraqqa jaýap bergen bolatyn.


Joǵary qaraı