Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda UQShU Ujymdyq bitimgershilik kúshteriniń mıssııasy aıaqtaldy

2022 jyldyń 13 qańtar 2022 13:17

ALMATY. QazAqparat - Almatyda Ujymdyq qaýipsizdik týraly shart uıymyna múshe memleketter Ujymdyq bitimgershilik kúshteriniń áskerı qyzmetshilerin shyǵaryp saldy, dep habarlaıdy QazAqparat tilshisi.

Ujymdyq bitimgershilik kúshteriniń áskerı qyzmetshilerin elderine shyǵaryp salý rásimi bir mınýttyq únsizdikpen bastaldy.

Keńes Odaǵynyń Batyry, Halyq Qaharmany, armııa generaly Saǵadat Nurmaǵambetov atyndaǵy Qurlyq áskerleri Áskerı ınstıtýtynyń saptyq alańynda ótken bitimgershilik kontıngentterdi shyǵaryp salý rásimine UQShU-nyń Bas hatshysy Stanıslav Zas, Qazaqstan Respýblıkasy Qorǵanys mınıstriniń orynbasary general-maıor Muhamedjan Talasov, Almaty qalasynyń ákimi Baqytjan Saǵyntaev qatysty.







UQShU Ujymdyq bitimgershilik kúshteri tobynyń qolbasshysy general-polkovnık Anatolıı Serdıýkov barlyq jeke quramǵa batyl sheshimderi men áskerı boryshyn minsiz oryndaǵandary úshin alǵys aıtty.




Sonymen qatar, qolbasshy Qazaqstan Qorǵanys mınıstrliginiń basshylyǵyna kópultty bitimgershilik kontıngentiniń turmys-tirshiligin qamtamasyz etý máselelerin sheshýge kómekteskeni úshin rızashylyǵyn bildirdi.

Qazaqstan Respýblıkasy Qorǵanys mınıstriniń orynbasary general-maıor Muhamedjan Talasov Qarýly Kúshterdiń Joǵarǵy Bas qolbasshysy – el Prezıdenti Qasym-Jomart Kemeluly Toqaev uıymǵa múshe memleketterdiń basshylaryna eldegi jaǵdaıdy turaqtandyrýǵa járdemdesý úshin Birikken bitimgershilik kontıngentin engizý týraly ótinish jasaǵanyn atap ótti.




«Sizder strategııalyq jáne basqa da mańyzy bar nysandardy kúzetýdi qamtamasyz ettińizider. Bitimgershilik kontıngent kelip qazaqstandyq áskerı qyzmetshiler, ishki ister qyzmetkerleri sodyrlardy izdestirý jáne ustaý boıynsha ózderiniń tikeleı mindetterine kirise aldy», – dedi Muhamedjan Talasov.

Qazaqstan Qorǵanys mınıstriniń atynan Ujymdyq bitimgershilik kúshteri kontıngentiniń áskerı qyzmetshilerine alǵys bildirildi.

Birqatar bitimgerler QR Qorǵanys mınıstriniń buıryǵymen «Halyqaralyq yntymaqtastyqqa qosqan úlesi úshin» medaldarymen jáne gramotalarmen marapattaldy.

Ujymdyq Qaýipsizdik Keńesiniń sheshimine sáıkes UQShU Ujymdyq bitimgershilik kúshteri Qazaqstan Respýblıkasynda memlekettik, áskerı jáne áleýmettik mańyzy bar nysandardy kúzetý jónindegi mindetterdi oryndady.




Dostyq jáne áskerı yntymaqtastyq qaǵıdattaryn basshylyqqa ala otyryp, konstıtýtsııalyq tártipti qalpyna keltirý boıynsha baýyrlastyq kómek retinde Armenııa Respýblıkasy, Belarýs Respýblıkasy, Qyrǵyzstan Respýblıkasy, Reseı Federatsııasy men Tájikstan Respýblıkasy el aýmaǵyna 2 030 adam men 250 birlik áskerı tehnıkasyn jiberdi.

Uıym boıynsha odaqtastar terrorıstik shabýyl kezinde Qazaqstanǵa qoldaý jáne ýaqtyly kómek kórsetti.

Bitimgerlerdiń mańyzdy nysandardy kúzetke alýy Qarýly Kúshterdiń, quqyq qorǵaý organdarynyń kúshteri men quraldarynyń edáýir bóligin bosatýǵa jáne olardy terrorısterge qarsy kúreske jiberýge múmkindik berdi.

Osyndaı jaǵdaıda Ujymdyq qaýipsizdik týraly shart uıymynyń tıimdiligi aıqyn kórindi.





















Joǵary qaraı