Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda Úkimettik emes uıymdar akademııasy qurylady

2020 jyldyń 7 qyrkúıek 2020 12:01

NUR-SULTAN. QazAqparat – Qazaqstanda Úkimettik emes uıymdar akademııasy jobasy júzege asyrylady. Mundaı pikirdi QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet bildirdi, dep habarlaıdy QazAqparat tilshisi.

«Úkimettik emes uıymdardy kásibılendirý boıynsha sharalar qabyldaý josparlanyp otyr. Turaqty ári básekege qabiletti úkimettik emes uıymdardy damytý úshin «Úkimettik emes uıymdar akademııasy» dep atalatyn joba qurý josparlanǵan. Akademııanyń qurylýy bul sektordyń damýy úshin jaqsy alǵysharttar jasap, úkimettik emes uıymdardyń basshylary men qyzmetkerleriniń quzirettiligin arttyrady dep oılaımyz», - dedi ol «Damý tarıhy: ishteı kózqaras» atty 11-shi jyl saıynǵy halyqaralyq konferentsııasynda.

Onyń atap ótýinshe, «Asar» bıznes pen memlekettiń úshjaqty seriktestigi tuǵyrnamasy turaqty túrde jumys isteıtin bolady. Atalǵan tuǵyrnama aıasynda bıznespen birge áleýmettik bastamalardy damytý kózdelgen.

«Aýyldyq úkimettik emes uıymdardyń da qyzmetin jandandyrý boıynsha jumystar júrgizilip jatyr. Elimizdiń barlyq óńirlerinde aýyldyq úkimettik emes uıymdardyń áleýetin arttyrý jobalary júege asyrylýda», - dedi Baǵdat Qojahmetov.


Joǵary qaraı